Gadis únese a UNICEF para distribuír vacinas nos países con menos recursos 

Supermercados  Gadis, aliado de UNICEF desde hai 28 anos, converteuse na primeira empresa en Galicia que se suma a UNICEF no marco do Mecanismo COVAX, unha operación loxística e sanitaria sen precedentes cuxo obxectivo é proporcionar polo menos 2.000 millóns de doses de vacinas contra a Covid-19 a países de ingresos baixos e medios-baixos durante o ano 2021.

COVAX prioriza a vacinación dos traballadores da saúde e en primeira liña e o apoio especializado a países fráxiles, apoiando os seus sistemas de saúde e facilitando a loxística en cada país a fin de velar por que as vacinas se entregan de maneira segura e en base a estratexias sobre a cadea de subministración ben definidas.

No caso de países afectados por guerras ou conflitos bélicos, desde UNICEF proporcionamos unha reserva de vacinas para garantir a cobertura de todos os nenos a pesar dos conflitos en curso. Grazas ao compromiso da distribuidora galega, UNICEF poderá xestionar a aplicación progresiva de vacinas en países afectados por conflitos, o que inclúe o transporte seguro de 150.000 dose de vacinas desde centros nacionais ata os destinatarios.

“A crise da COVID-19 é unha crise dos dereitos da infancia. A pobreza e a desigualdade aumentan e a pandemia malogrou os servizos esenciais que garanten a saúde, a educación e a protección a nenos e novos, de forma aínda máis  exacerbada en países afectados por conflitos armados. As vacinas axudarannos a poñer fin a esta pandemia, pero só se o acceso é xusto para todos os países. Estamos orgullosos e agradecidos de que  Gadis únase a UNICEF e preste o seu apoio para axudarnos a atopar unha saída a esta pandemia. Porque ninguén estará a salvo ata que todos esteamos a salvo”. subliñou  Myriam  Garabito, presidenta de UNICEF Comité Galicia.