Meliá e UNICEF, unidos contra a violencia infantil en Brasil

Meliá Hotels International uniuse á campaña de UNICEF Brasil a favor da protección infantil con motivo da celebración da Copa do Mundo da FIFA que se celebra do 12 de xuño ao 13 de xullo en Brasil.

En eventos multitudinarios como un mundial de fútbol, os riscos para a infancia que xa se encontra en situación de vulnerabilidade poden aumentar. Así mesmo, as grandes concentracións de xente nun mesmo lugar poden facilitar a acción de redes de explotación infantil.Por iso, a iniciativa Está nas túas mans protexer os nenos e nenas en Brasil ten como obxectivo previr a violencia contra a infanciadurante o Mundial de Fútbol, ao que se prevé que asistan un millón de visitantes internacionais.Meliá reforzou cunhaformación especial os equipos dos seus 14 establecementos neste país para que poidan detectar posibles casos de explotación infantil nas súas instalacións. Ademais informarán os clientes da necesidade de protexeros nenos, nenas e adolescentes contra a violencia, o abuso e a explotación.

a tecnoloxía a prol dos máis vulnerables

A iniciativa conta coa aplicaciónProteja Brasil para smartphones e tabletas, mediante a cal os usuarios poderán denunciar casos de violencia contra a infancia. A aplicación égratuíta, pódese descargar dendeGoogle Play e Apple Store e está dispoñible enportugués, inglés e español.A campaña invita a todos aqueles asistentes ao Mundial a denunciar as posibles situacións de abuso infantil das que sexan testemuña en Brasil, onde viven 60 millóns de nenos menores de 18 anos.O teléfono de denuncias para estes casos, controlado polo goberno federal brasileiro, recibiu en 2013 máis de 124.000 denuncias de violencia contra nenos e adolescentes.Cada hora producíronse 14 casos de violencia.Esta iniciativa está enmarcada nos plans de traballo queMeliá e UNICEF teñen para o desenvolvemento da súa renovada Alianza Estratéxica nos diferentes destinos nos que o grupo hoteleiro está presente.