Recomendación da Comisión Europea: investir nos nenos, romper o círculo da desigualdade

Post de Gabriel González-Bueno, Responsable de Políticas de Infancia de UNICEF España

O día 20 de febreiro a Comisión Europea fixo pública a súa Recomendación aos Estados sobre a pobreza infantil: Investir nos nenos: romper o ciclo da desigualdade (PDF, en inglés).

Esta Recomendación supón un marco europeo para o desenvolvemento de políticas nacionais de loita contra a pobreza infantil e promoción do benestar dos nenos, nun momento en que as cifras de pobreza e exclusión infantil está a crecer en moitos dos países europeos, moitas veces por enriba das do resto da poboación. O propio documento recoñece o forte impacto que a crise está a ter nos nenos e as súas familias, un impacto que UNICEF España recolleu no seu informe sobre A Infancia en España 2012-2013.

Para UNICEF España é unha satisfacción que a Comisión adopte na Recomendación un enfoque baseado nos dereitos do neno, que promova a igualdade de oportunidades e que propoña un balance equilibrado entre políticas universais e outras enfocadas aos colectivos infantís máis vulnerables.

A Recomendación establece tres piares estratéxicos para o desenvolvemento de políticas:

• O acceso das familias e os nenos a recursos axeitados: apoiando o acceso ao traballo aos pais e nais, e garantindo un nivel de vida adecuado aos nenos mediante axudas económicas, desgravación de impostos e axudas á vivenda.
• O acceso a servizos de calidade: promovendo a atención dende a primeira infancia, garantindo a igualdade de oportunidades no sistema educativo, o acceso en condicións aos sistemas de saúde, a unha vivenda e un ámbito axeitado, e mellorando os sistemas de protección da infancia.
• O dereito dos nenos a participar: mediante o apoio á participación de nenos na vida cultural, deportiva e o dereito ao xogo, e establecendo mecanismos de participación nas decisións que afectan ás súas vidas.

Un obxectivo para reducir a pobreza infantil