Apoio de Lauro Ikastola a 'Gotas para Níxer'

Para conmemorar o Día Mundial da auga, unha semana antes de realizar a actividade deportiva e a recadación de diñeiro para levar auga potable a 50 escolas do país africano, os profesores de Lauro Ikastola  informaron as aulas acerca dos obxectivos que expuña UNICEF coa iniciativa; así mesmo, explicaron aos alumnos a situación que viven os nenos e nenas de Níxer e as súas familias. O 18 de marzo, antes das vacacións de Semana Santa, fusionaronsolidariedade e deporte, realizando distintas actividades, dependendo da idade e doando 1 euro por alumno que quixese sumarse ao chamamento.

 

Tras o gran éxito cultivado un ano máis coa iniciativa e habendo consegudio 1.760 euros de recadación, o 5 de maio recibiron a visita da voluntaria de UNICEF Comité País vasco, Elen Irazabal, quen acudiu á ikastola para falar aos alumnos sobre o dereito á auga. E é que as dificultades de acceso á auga potable afectan negativamente á saúde, a nutrición e as posibilidades de desenvolvemento de 3 millóns de nenos e nenas en idade escolar en Níxer. Levando auga ás escolas do país, pódense lograr dous obxectivos: protexer a saúde dos estudantes e incrementar as taxas de matriculación e permanencia na escola. Ademais, as fontes instaladas nos centros educativos benefician a toda a comunidade ofrecendo un punto próximo de acceso a auga potable que as familias poden usar.