Agora NON podemos parar: 5 innovacións que cambian a vida de miles de nenos

A historia demóstranos que unha aparentemente pequena innovación pode marcar unha gran diferenza na vida dos nenos e que as mellores solucións non teñen por que custar tanto ou implicar tecnoloxía complicada.

Traémosche algúns exemplos de pequenas innovacións que cambiaron vidas, pero podes encontrar moito máis no noso informe Estado Mundial da Infancia 2015: reimaxinar o futuro.

1. Sales de rehidratación oral: Un pequeno paquete de sales e minerais converteuse nunha das armas máis poderosas na loita contra a mortalidade infantil. A deshidratación e a diarrea aguda poden rematar coa vida dun neno en cuestión de horas, pero os sales de rehidratación oral diluídos en auga limpa poden reverter rapidamente a perda mortal de fluídos esenciais. Así que moitos adultos están vivos hoxe porque estes sales lles salvaron a vida cando eran nenos.

Sello conmemorativo del invanto de la bomba de agua manual

2. Unha bomba de auga deseñada por un mecánico indio autodidacta: Tras a desvastadora crise da auga na India en 1976, dende UNICEF diriximos o desenvolvemento dunha bomba manual de fabricación local, a India Mark II. Este invento duradeiro e doado de manter (conmemorado neste selo da República Centroafricana) levou a auga limpa a millóns de familias e nenos.

3. Pasta de cacahuete enriquecida: Chamóuselle o "alimento milagroso" polo seu poder para tratar un neno cando está ao bordo da inanición. Os paquetes de proteína e vitamina con pasta de cacahuete veñen listos para comer, non necesitan ser refrixerados nin mesturados con auga, sobreviven a calor e o frío e calquera persoa pode administrarllos en calquera lugar a calquera neno desnutrir para que gañe máis de 4 quilos nunha semana.

4. Compra masiva de vacinas: Como o maior comprador mundial de vacinas -2,8 millóns de dose en 2013-, dende UNICEF temos a capacidade de comprar a escala, mover os mercados e reducir o prezo das vacinas infantís. Un exemplo: unha proxección de 500 millóns de dólares en redución de custos na nova vacina contra o rotavirus permitirá que 50 millóns de nenos máis sexan inmunizados contra a segunda causa de mortalidade dos nenos menores de cinco anos.

5. Convención sobre os Dereitos do Neno: Unha idea simple. Os nenos son seres humanos con dereitos. 25 anos máis tarde, o mundo é un lugar moito mellor para que os nenos poidan crecer e prosperar. Un bebé que nace no ano 2014 ten moitas máis oportunidades de vivir para ver o seu quinto aniversario. Un neno que vive hoxe é moito máis probable que poida ir á escola e moito menos propenso a ter que traballar nunha fábrica ou mina. Os cambios inspirados pola CDN nas leis e as prácticas melloraron a vida dos nenos en todas as rexións do mundo.

Innovacións e medidas sinxelas que salvan vidas son tamén as que propoñemos na nosa campaña contra a mortalidade infantil Agora NON podemos parar. Coñéceas e axúdanos a seguir salvando vidas.