Ana Duato, unha voz por Haití
A actriz e Embaixadora de UNICEF España presentou onte a reportaxe Haití, en construción, rodado durante as súas dúas viaxes a Haití despois do terremoto de xaneiro de 2010, onde compartiu varios días con familias haitianas e cos traballadores da acción humanitaria.
Producido por Ganga Producións para UNICEF e a AECID, esta reportaxe conta co apoio de TVE, tanto para a súa presentación en Casa América como para a súa emisión o domingo, 20 de novembro, Día Universal do Neno, en La 2 e en www.rtve.es ás 23.00 horas. Tamén será emitido na canle internacional.
Crónica de Diana Valcárcel, Coordinadora de Proxectos de Comunicación de UNICEF EspañaParir unha criatura non é doado, pero parir un documental tampouco. Despois de 17 meses de traballo por fin sae á luz Haití, en construción, unha homenaxe a un país que sufriu unha das catástrofes humanitarias máis graves dos últimos anos. Ao día seguinte daquel 12 de xaneiro de 2010, cando en Haití tremeu a terra, Ana Duato, Embaixadora de UNICEF, chamou arrepiada ás nosas oficinas en Madrid: "Contade comigo para o que sexa necesario". Dende ese momento naceu o seu vínculo con Haití. En abril de 2010 comezamos a traballar. Viamos esencialcontar de primeira man que estaba a facer UNICEF para paliar os efectos do sismo na vida golpeada dos máis de 4 millóns de nenos que viven en Haití. Para que non caese no esquecemento, para explicar a situación, pero, sobre todo, para render contas á xenerosidade de tantos españois que se envorcaron coa infancia haitiana e que doaron a UNICEF máis de 11 millóns de euros. Fixemos as maletas, collemos a cámara e desembarcamos enPorto Príncipe. Sobrevoar a cidade foi un dos momentos máis sobrecolledores: miles e miles de espazos inundados de tendas de campaña de diversas cores, brancas, azuis, laranxas, algunhas delas improvisadas con plásticos e paus. No aeroporto, desolación, caos. Na rúa, dor e vida. Moita vida, a pesar da recente traxedia.
Ana Duato tivo encontros moi especiais con familias, mulleres, nenos, que o perderan todo ou case todo: parentes, casas, os seus obxectos máis queridos. . Nos
Mentres,Antonio Cano, Director do documental, permanecía incansable detrás da cámara."Non vin un país con máis planos que Haití". Eses planos que captou con tanta beleza e sobre todo con tanta humanidade, que puidemos ver onte na preestrea na casa de América. As palabras de Ana durante a presentación foron conmovedoras: "Intentamos contar unha historia dende dentro, dende o corazón dos haitianos e dos profesionais que traballan con eles para reconstruír o seu país". A nosa Embaixadora tamén tivo mostras de agradecemento para todas as persoas que traballan día a día en Haití para a reconstrución e o desenvolvemento do país e aos haitianos," me abriron as portas das súas casas e das súas tendas nos campos de desprazados. "
Pero volvamos aomaking-of do documental. En abril de 2011, xusto un ano despois da primeira viaxe, volvemos a Haití para rodar a segunda parte e mostrar os avances que se lograran grazas ao traballo de UNICEF, AECID, os seus aliados e o pobo haitiano. Encontramos menos entullos, casas xa reconstruídas, novas escolas semipermanentes, centros de nutrición en edificios novos en lugar de carpas, un aeroporto reformado. Pero aínda ao redor de 700.000 persoas seguían vivindo en campos de desprazados, moitos nenos continuaban separados dos seus pais e vivindo en centros e o alto nivel de desemprego dificultando o día a día dos haitianos, por mencionar só algúns problemas.UNICEF, a Axencia Española de Cooperación Internacional e os seus aliados traballan intensamente en programas de saúde, nutrición, educación, auga e saneamento e protección da infancia para que os nenos de Haití teñan un presente e un futuro dignos.Nousseline, Brunia, Jean François, Faradjine,Margaret, Fran, Wesley. Estes son os nomes dalgúns dos nenos que aparecen no documental, son os protagonistas desta homenaxe a Haití, e a eles tamén queremos darlles as grazas.
O documental, producido por Ganga Producións paraUNICEF e a AECID, será emitido na canle internacional deTVE, na 2 e en http://www.rtve.es ás 23.00 horas do próximo domingo, 20 de novembro, Día Universal do Neno. Non volo perdades!