Concienciados coa infancia: Radio Televisión Española pon o foco nos máis vulnerables

Coincidindo coa celebración do Día Universal do Neno, Radio Televisión Española (RTVE) pon en marcha a IX edición de Concienciados coa infancia, unha iniciativa na que a cadea pública solidarízase cos nenos, dedicando diferentes programas á promoción e defensa dos seus dereitos.  

 

Do 19 ao 21 de novembro, TVE, RNE e RTVE.é abren xanelas solidarias en defensa dos dereitos da infancia. Os telexornais van abordar algúns dos principais problemas aos que se enfrontan os nenos en España e no mundo, con reportaxes que incidirán no labor dos voluntarios que traballan en hospitais con nenos enfermos, a Convención dos Dereitos do Neno, e a vulnerable situación dos nenos refuxiados.

Tamén reforzarán esta mensaxe os magacíns da 1: en La mañana, Saber Vivir reflectirá a loita pola vida dalgúns nenos con graves enfermidades; e España Directo lembrará os valores que o deporte pode transmitir á infancia e as accións solidarias que os nenos son capaces de realizar polos máis desfavorecidos. 

 

Na 2, o venres 20 de novembro ás 21:00, emitirase o documental La fuerza de las mariposas. El Padre Ángel, de Celia Benito e Elena Alonso, coproducido por TVE, Fundación Telefónica e LAU Producións, que percorre a vida do Pai Anxo, fundador de Mensaxeiros da Paz.

 

O domingo, Versión Española ofrecerá No tengas miedo, de Montxo Armendáriz, protagonizada por Michelle Jenner e Luís Tosar, que aborda o drama dos abusos sexuais na infancia. E outros programas da cadea, como Aquí hay trabajo, La aventura del saber e Saber y ganar incluirán contidos para reinvindicar os dereitos dos nenos en todo o mundo.

 

Coa colaboración de UNICEF España, o simpático Fredo Fox e o superheroe Lunicef, a cadea infantil Clan lembrará aos máis pequenos a necesidade de defender aos nenos de todo o mundo. Pocoyó e Peppa Pig tamén se unirán a esta iniciativa solidaria.