Crise de Sirya: campaña de vacinación masiva contra a polio
En Sirya, Iraq e Exipto comezaron as campañas de vacinación contra a polio. O obxectivo é chegar a máis de 20 millóns de nenos nos próximos cinco días.
Areaparición da polio enIraq "é un recordatorio do riscoque enfrontan actualmente os nenos en toda a rexión", declara Maria Calivis, directora rexional de UNICEF para Oriente Medio e o Norte de África.
Para evitar que a enfermidade se propague "o máis importante é impulsar avacinación rutineira para chegar a cada neno con varias doses e facer todo o posible para vacinar os nenos aos que non puidemos chegar en roldas anteriores". Estas roldas de vacinación forman parte da resposta integral ao brote de polio detectado o pasado mes de outubro, cando se coñeceu que o poliovirus salvaxe de orixe paquistaní se dirixía a Sirya.
Crise de Sirya: 22 millóns de nenos recibirán a vacina contra a polio
Dende que se detectou o brote realizáronse 25 campañas de vacinación en toda a rexión. En cada rolda cada vez máis nenos son vacinados, pero a resposta aos brotes non chegou aínda aos grupos especialmente vulnerables: os nenos que están a fuxir da violencia en Sirya ou os que viven no medio dun conflito activo. Ante o risco de que se propagase a nivel internacional, os gobernos de sete países de Oriente Medio, coa colaboración de ONG locais, grupos da sociedade civil e as axencias da ONU, están a tratar de chegar a 22 millóns de nenos con varias doses da vacina contra a polio. Con este plan "estamos a chegar á gran maioría de nenos de todo Oriente Medio", afirma Chris Maher, director da Organización Mundial da Saúde (OMS) para a erradicación da poliomelitis e de apoio de emerxencia. "Non" imos parar "ata chegar" os nenos máis difíciles de alcanzar. A campaña continuará os días 10 e 18 de abril en Líbano e Turquía. Dende que foi notificado o brote, UNICEF distribuíu 14 millóns de dose de vacinas contra a polio en Sirya.
Consecuencias do brote de polio
Ata finais de marzo de 2014, 27 nenos sufriron parálise pola polio en Sirya. Antes deste brote, dende 1999 non se rexistraran casos de polio no país. O risco de propagación aos países da rexión é alto, polo que as autoridades sanitarias de 21 países declararon unha emerxencia de saúde pública. En Iraq o Ministerio de Saúde declarou un brote o pasado 30 de marzo, cando se detectou un caso de polio nun neno na área deAl-Rusafa na capital, Bagdad. Tamén se detectaron poliovirus relacionados co que se orixinou en Paquistán, en mostras de augas residuais en Exipto en 2012, e en Israel e en Cisxordania e a Franxa de Gaza en 2013. As campañas de vacinación repetiranse en toda a rexión. En Sirya levaranse a cabo cada mes polo menos ata maio de 2014. Dende que empezou o conflito, en marzo de 2011, no interior de Sirya as accións de vacinación víronse condicionadas polas restricións de acceso e de violencia. Perdéronse equipos de cadea de frío en varios distritos e os equipos móbiles de saúde non foron capaces de realizar visitas periódicas. Isto levou a deixar sen vacinación entre500.000 e 700.000 nenos nestas áreas.