A CRTVG únese á campaña: #SomosInfancia
18/11/2024
Con motivo da celebración do Día Mundial da Infancia, o 20 de novembro, a Televisión de Galicia (TVG) e Radio Galega (RG) súmanse á campaña #SomosInfancia na XIV Semana coa Infancia de CRTVG e UNICEF.
Do luns 18 ao domingo 24 de novembro, a CRTVG difundirá contidos especiais que poñerán no centro da conversa os dereitos da infancia. Baixo a campaña #SomosInfancia, xornalistas e presentadores do ente, como Sabela Romar, Almudena R. de Urzáiz, Kiko Novoa ou Xoán Galán, entre moitos outros, amosarán a situación dos nenos, nenas e adolescentes en Galicia, en España e no mundo, así como os retos que enfrontan en temas clave como a saúde mental, a protección fronte ao abuso e a explotación, ou o acceso a educación...
Nos programas informativos de TVG e Radio Galega emitiranse contidos e entrevistas sobre a situación da infancia no mundo. Abordaranse temas como os conflitos en Gaza e Líbano, o impacto das tecnoloxías na saúde mental dos adolescentes ou a situación da infancia migrante en Canarias.
O luns 18 o espazo matinal ‘Bos días’ abrirá a semana cunha entrevista a María Montalvo, presidenta de UNICEF Comité Galicia, quen destacará os avances logrados en nutrición, saúde e educación, pero tamén os desafíos que aínda enfronta a infancia, tanto a nivel nacional como internacional.
Sandra Astete, experta en saúde mental de UNICEF España, destacará no informativo matinal sobre a necesidade de colaboración entre diferentes axentes sociais e académicos para promover unha sociedade máis consciente e comprometida co benestar integral da infancia e a adolescencia.
O venres 22, Sara Casero, especialista en migracións de UNICEF Canarias, ofrecerá unha análise da situación da infancia migrante nas illas, especialmente dos nenos e nenas non acompañados que, tras atravesar situacións de extrema vulnerabilidade, chegan en busca dunha vida mellor.
Na programación de tarde, o magazine ‘O Termómetro’ desprazarase ata o centro educativo CEIP Manuel Sueiro de Ourense, para darnos a coñecer como están a celebrar o Día Mundial da Infancia, e contará cunha visita moi especial, María Solar, Amiga de UNICEF Comité Galicia. No programa cultural ‘ZigZag’, a presentadora María Solar e o seu invitado recibirán unha visita moi especial.
O programa ‘Hora galega’ levará aos espectadores ata a Casa dá Xuventude de Burela, onde o Grupo de Participación Adolescente da localidade compartirá as súas iniciativas e proxectos en defensa da infancia. E en ‘Luar’, o venres 22 en prime time, emitirase unha edición especial dedicada ao traballo de UNICEF, cunha sorpresa especial para todos os asistentes.
Ademais, nos programas de radio como ‘A tarde’, ‘Galicia por diante’ o ‘Galicia en Goles’, poñerase o foco na importancia da participación infantil, o dereito ao xogo e o deporte como ferramentas esenciais para o desenvolvemento integral dos menos. Ademais, en ‘A Crónica’, o xoves 21, Lucía Martínez, especialista en cooperación e emerxencias internacionais de UNICEF España, trasladará a situación da infancia afectada polos conflitos de Gaza e Líbano.
Nesta semana, que tamén inclúe anuncios, cuñas e difusión a través das súas redes sociais, a través do hashtag #SemanacoaInfancia, a corporación bríndanos o seu apoio para sensibilizar á súa audiencia sobre a importancia de defender os dereitos da infancia e promover unha sociedade máis comprometida e consciente co benestar de nenos, nenas e adolescentes.
Gustaríache facer algo extraordinario hoxe?
Faite socio. Elixe agora a túa achega mensual
