Día Mundial da SIDA: triplícanse as mortes de adolescentes dende o ano 2000
Halima ten 16 anos, vive en Dar Esalaam, Tanzania e quere ser perruqueira. Pero ademais de todo isto, Halima é unha valente adolescente que loita para que o virus do VIH/SIDA, co que convive cada día, non lle impida cumprir os seus soños.
Os adolescentes son o grupo de
poboación que máis sofre os estragos do VIH/SIDA.
Segundo o noso último informe, o número de mortes de adolescentes
debido a esta enfermidade triplicouse desde o ano 2000. O virus é aprimeira causa de morte entre os adolescentes en
África e a segunda no resto do mundo.
Os datos revelan que, cada hora,
prodúcense no mundo 26 contagios do virus en mozos
de 15 a 19 anos. En África subsahariana, onde ten maior
prevalencia, as nenas levan a peor parte: 7 de cada 10
novos contaxiados desta idade son mozas.
"É fundamental que os mozos que
son portadores do VIH/SIDA teñan acceso a
tratamento, atención e apoio", afirma Craig
McClure, director dos programas mundiais deVIH/SIDA de UNICEF. "Ao mesmo tempo, aqueles que
non son portadores do VIH deben ter acceso aos coñecementos
e medios para evitar o contaxio".
O éxito do tratamento para previr atransimisión do virus de nais a fillos demostra
que o embarazo é un momento clave na loita contra o VIH/SIDA. Desde
o ano 2000 conseguíronse evitar 1,3 millóns de novas
infeccións.
Isto
traduciuse nunha
redución do 60% das mortes
relacionadas co virus entre os nenos menores de 4 anos nos últimos
15 anos. Estes esforzos para
eliminar a transmisión de nai
a fillo axudarán a cambiar o rumbo da epidemia para a nova
xeración de adolescentes.
Bertha e a súa
pequena filla Tecla son un exemplo que demostra
que evitar a transmisión do VIH/SIDA de nais a
fillos é posible. Bertha, que vive co virus e que
perdeu a un fillo por este motivo, conseguiu ter unha filla
sa grazas ao tratamento preventivo.
Dende que comezou a
epidemia, é a primeira vez que temos as ferramentas e a
experiencia necesarias para deter as transmisións e manter aosnenos e adolescentes que viven co virus sans e
salvos.
Os últimos datos demostran que
habemos alcanzando grandes progresos en materia de
prevención; con todo, deixamos atrás aos nenos e
adolescentes. Nas nosas mans está conseguir unha xeración
libre de VIH/SIDA.
