É necesario ampliar a resposta ás necesidades dos nenos de Paquistán

UNICEF está a subministrar axuda de emerxencia ante as graves inundacións de Paquistán. Case 210.000 persoas están a recibir auga potable a diario e estanse distribuíndo subministracións a máis de 100.000 persoas.
 

"O tempo é crucial para alcanzar as necesidades críticas de nenos e familias afectadas polas inundacións, que demostraron as vulnerabilidades existentes. UNICEF xa está a proporcionar asistencia humanitaria pero require recursos adicionais a maior escala," dixo o Representante de UNICEF en Paquistán, Dan Rohrmann.

UNICEF estivo apoiando 100 equipos de inmunización do Departamento de Saúde para administrar 175.500 vacinas, incluíndo contra a polio e o sarampión, aos nenos nos refuxios. Ademais, xunto aos seus aliados creou 23 novos centros para tratar aos nenos con desnutrición aguda severa nas áreas afectadas, que se suman aos 454 centros xa creados como resposta ás inundacións de 2010.

Máis dun millón de mulleres e nenos de seis distritos afectados polas inundacións recibirán axuda de UNICEF e os seus aliados consistente en: inmunización, desparasitación e información sobrecomo previr a diarrea, pneumonía e malaria. Así mesmo, distribuiranse kits para atender partos e recentemente nados. Espérase que isto poida reducir significativamente as ameazas de brotes de enfermidades e complicacións nos embarazos.
 

Necesidade de maiores recursos

Con todo, UNICEF enfróntase a unharedución no financiamento á vez que aumenta a necesidade de asistencia humanitaria. 

UNICEF fai un chamamento á comunidade internacional de 50,3 millóns de dólares, dentro do Plan de Resposta Rápida de Nacións Unidas, para cubrir as necesidades inmediatas de nenos e mulleres durante seis meses.