Foro Mundial sobre a Educación: 15 anos para transformar a educación

O Foro Mundial sobre a Educación chega á súa fin coa aprobación da bautizada como Declaración de Incheon.
Nela pídese pide aos países que proporcionen unha educación inclusiva, equitativa e de calidade e que garantan oportunidades de aprendizaxe para todos.

A declaración, que busca transformar a educación nos próximos 15 anos, será a base dosObxectivos de Desenvolvemento Sostible que serán ratificados por Nacións Unidas en setembro.

"Esta declaración é un gran paso cara a diante", declarou Irina Bokova, directora xeral da UNESCO. "Reflicte a determinación de garantir que todos os nenos e mozos adquiran o coñecemento e ashabilidades que necesitan para vivir con dignidade, alcanzar o seu potencial e contribuír ás súas sociedades como cidadáns globais responsables. Afirma que a educación é a clave para a paz global e odesenvolvemento sostible".

Os antecedentes desta nova visión baséanse no movemento mundial Educación para Todos e o Obxectivo de Desenvolvemento do Milenio de educación, xerados no ano 2000. Ambas as dúas iniciativas conseguiron logros significativos, pero moitos dos seus obxectivos, incluíndo o acceso universal á educación primaria, seguen sen cumprirse.

FORO MUNDIAL SOBRE A EDUCACIÓN: "UNhA OPORTUNIDADe xUSTA PARA APRENDER"

Actualmente 57 millóns de nenos seguensen ir á escola, a maioría deles nenas. Ademais, 250 millóns de nenos non están a aprender habilidades básicas, aínda que a metade deles foi polo menos catro anos ao colexio. A Declaración de Incheon debe rematar os ambiciosos programas marcados hai 15 anos.

"Se esta xeración de nenos vai reducir algún día asdesigualdades e inxustizas que aflixen hoxe ao mundo, debemos dar aos nosos nenos unha oportunidade xusta para aprender. Esta debe ser a nosa visión colectiva e o noso compromiso", dixo o director executivo de UNICEF, Anthony Lake.

Os gobernos terán que adoptar o Marco de Acción para a Educación 2030 da Declaración de Incheon antes de final de ano. Esta folla de ruta pretende orientar sobre cuestións legais e estratexias políticas para a educación, sempre baseándose nos principios de responsabilidade, transparencia e goberno participativo.

A declaración require que os países aumenten o seuinvestimento en educación, sobre todo os países máis afastados da educación inclusiva e de calidade. Tamén se fai un chamamento a aumentar áAxuda Oficial ao Desenvolvemento para os países de baixos ingresos.

A educación é esencial para lograr os novosObxectivos de Desenvolvemento Sostible. A declaración demostra o compromiso común de ofrecer esta visión. Mostra como a educación podetransformar vidas.