Gaza e Israel: os servizos básicos para os nenos en Gaza, en perigo

A medida que a violencia en Gaza continúa cobrándose vítimas aínda máis novos e a cifra de mortos crece en ambos os dous lados, UNICEF advirte de que están en perigo os servizos básicos para os nenos.

As deterioradas infraestruturas de auga e saneamento de Gaza sufriron danos, o que aumenta o risco de contraer enfermidades transmitidas pola auga.

Xa non funciona case a metade dos sistemas de bombeo de augas residuais e de tratamento de residuos, polo que unhas 900.000 persoas carecen de auga corrente.

Gaza e Israel: Máis de 80 escolas bombardeadas

En Gaza, as vivendas de 1.780 familias foron destruídas ou moi danadas e decenas de miles de persoas foron desprazadas, moitas delas a refuxios situados en escolas. Máis de 80 escolas foron danadas polos bombardeos.

Gaza e Israel: 59 nenos palestinos mortos

UNICEF e os seus aliados están a comprar medicamentos pediátricos esenciais para os hospitais e centros de saúde e os equipos de protección infantil están a axudar aos nenos e os seus coidadores a superar os danos psicolóxicos. Xa comezaron a emitirse anuncios de radio para alertar os nenos e as súas familias sobre os perigos das municións sen estalar.

Con polo menos 59 nenos mortos e outros 500 feridos en Gaza, xunto a catro nenos israelís feridos en Israel, UNICEF insta a todas as partes a cumprir coa súa obriga legal e moral de protexer os civís, incluídos nenos, da violencia.