Haití, In Memoriam

Por Diana Valcárcel, Coordinadora de Proxectos de Comunicación de UNICEF España

Hoxe cúmprense dous anos do terremoto de Haití. Un desastre natural sen precedentes que rematou coa vida de máis de 220.000 persoas e deixou vivindo en campos de desprazados a 1,5 millóns de persoas.

Dous anos despois, hai enxergues de esperanza para os nenos de Haití grazas ao traballo conxunto dos haitianos, as organizacións, a sociedade civil, o goberno. Pero hoxe quixera render tributo a algunhas das persoas que coñecín alá e que quixese traer á memoria nun día como hoxe:

 
  • ABrunia, de 13 anos, que perdeu ao seu irmán Redgino terremoto. Agora estuda na escola Filssecam de Jacmel. E á súa nai Sonia, unha gran muller, que nos falaba convencida da importancia que ten a educación na vida dos seus nenos.
  • ALumineuse, untraballador haitiano da oficina de UNICEF en Haití, que en cada ocasión que nos cruzabamos sorría e daba luz, como o seu propio nome indica.
  • AJean-François, un profesor da escola de La Redemption, en Léogâne, que perdeu a toda a súa familia no terremoto. Daba clase con tanta enerxía que nos quedamos sorprendidos ao coñecer a súa situación. Hoxe en día está mellor. Despois de vivir nunha aula do colexio tras o terremoto, trasladouse á casa duns familiares e está máis recuperado.  []
  • AChantal, unha profesora enérxica do barrio de Carrefour, que me ensinou a canciónHaïti cherie, que fala dun país cun futuro prometedor.  
  • AJeanne, que baixo a súa tenda de campaña e bañada en bágoas me contou que o seu marido e o seu pai morreran no terremoto. Estaba embarazada e eraseropositiva. No terremoto perdeu o seu tratamentoantirretroviral. Grazas a UNICEF e outras organizacións puido retomalo. Hoxe cóntame que a súa filla Lorie xa ten un ano e medio e está forte e sana.

Grazas a todos eles e a todos os que non nomeei, por mostrar ese valor ante a vida, esa capacidade de recuperación.Grazas tamén a todos os nosos colegas deUNICEF en Haití e das organizacións que colaboran connosco. Polo seu incansable traballo para facer realidade tantas pequenas vitorias para os nenos de Haití.

E por último, grazas a tantos españois que se desbordaron coa emerxencia de Haití e que fixeron posibles que dende UNICEF se enviasen máis de 12 millóns de euros para proxectos que melloran notablemente a vida dos nenos.

Hai datos impresionantes que poñen de manifesto todos os logros, e que podedes consultar neste informe pero hoxe quería traer á memoria a todos aqueles que neste día recordarán con dor aos seus seres queridos e que loitan por un futuro mellor. A todos eles, o noso recordo e respecto dende aquí.