Iemen: os nenos sofren as consecuencias do conflito

Os nenos de Iemen están a sufrir as graves consecuencias do conflito que vive o seu país. Polo menos 74 nenos morreron e 44 resultaron feridos dende que comezaron os enfrontamentos, aínda que UNICEF calcula que a cifra real é moito maior, debido á escalada de violencia dos últimos días.

Os nenos están a pagar un prezo intolerable neste conflito", dixo o representante de UNICEF Iemen, Julien Harneis, dende Amán.

"Están a morrer, sofrenmutilacións, vense forzados a fuxir das súas casas, a súa saúde está en perigo e a súaeducación interrompeuse. Todas as partes en conflito deberían respectar e protexerinmediatamente estes nenos, como marcan leis humanitarias internacionais,".

Máis de 100.000 persoas en todo o paísabandonaron as súas casas en busca de lugares seguros nos que refuxiarse. Os hospitais sofren unha presión crecente mentres loitan por atender aos feridos cos poucos recursos que teñen e mentres son atacados. Ata agora, polo menos tres traballadores sanitarios e un condutor de ambulancia morreron vítimas dos enfrontamentos.

Sempre que as condicións de seguridade o permiten, o persoal de UNICEF traballa xunto aos seus aliados para proporcionar ás familias auga potable e servizos sanitarios básicos. A organización está a distribuír combustible para poñer en funcionamento bombas de auga en tres cidades do sur do país, entre as que se encontra Adén, onde o conflito destruíu a canalización de augas. Noutras provincias do sur, as augas residuais acumúlanse nas rúas, incrementando o risco de brotes de enfermidades.

Os medios de comunicación do país emiten mensaxes para alertar nenos e pais dos perigos dos explosivos sen detonar e para aconsellar como soportar osufrimento causado poloconflito.

"A situación actual é moi perigosa", dixo a doutora Gamila Hibatullah en Adén. "Os hospitais están desbordados e ata se están a secuestrar ambulancias".

O conflito está a empeorar a xa de por si precariasituación dos nenos que viven nun dos países máis pobres da rexión. A inseguridade alimentariaameaza a gran parte do país e a desnutrición agudaesténdese entre os máis novos.

Se podes, colabora para que poidamos protexer os nenos de Iemen da violencia.