Malí:dous terzos das vítimas por artefactos sen explotar son nenos

A presenza de municións e explosivos de guerra sen detonar supón unha crecente ameaza para as comunidades do norte e o centro de Malí. Dende abril de 2012, producíronse 60 vítimas a causa destes restos; dúas terceiras partes son nenos.

O nivel de risco podería aumentar aínda máis a medida que as familias desprazadas regresen ás súas casas nas áreas que sufriron a peor parte do conflito.

UNICEF calcula que en decembro de 2012 había polo menos 100.000 nenos expostos, xunto aos seus pais, ao perigo das municións sen explotar (UXO, polas súas siglas en inglés) no norte deMalí.

Esta estimación fíxose antes da intervención militar que, dende xaneiro, incluíu ataques aéreos e operacións terrestres. Aproximadamente 200.000 nenos das zonas afectadas polo conflito no norte e centro deMalí están en risco de sufrir lesións ou de morrer debido aos restos explosivos de guerra.

"Os nenos estaban a xogar cun dispositivo no meu patio. Pensei que non había ningún perigo. Tireino nunha pedra e explotou", dixo Amadou, de 19 anos, supervivente de Mopti que perdeu o dedo da súa man esquerda. "Cando espertei, había sangue por todas as partes. Os meus dous irmáns, de 4 e 16 anos, resultaron feridos. A miña sobriña morreu. Ela só tiña 18 meses. Séntome triste e culpable", agregou.

"O perigo está agora en cada esquina das comunidades do centro e norte deMalí, onde se desenvolveron intensos combates", dixo Françoise Gruloos-Ackermans, Representante de UNICEF Maliano.

"As explosións poden acontecer en calquera lugar e en calquera momento, cando os nenos están de camiño á escola ou cando unha muller vai ao mercado (...) Unha nai non vai a traer os seus fillos ao centro de saúde se cre que os arredores están contaminados con artefactos explosivos sen detonar. Un mestre non vai volver á escola se o patio está cheo de municións abandonadas", agregou Ackermans.

CAMPAÑAS DE SENSIBILIZACIÓN