Mozambique: unha vacina contra a pobreza

Mozambique, o terceiro país menos desenvolvido do mundo, conseguiu nos últimos 20 anos salvar a vida de 1,6 millóns de nenos. Unha das intervencións que contribúe a esta batalla pola supervivencia infantil é a inmunización. A cobertura dalgunhas vacinas como a do sarampelo pasou dun 39% a un 82% en pouco máis de dúas décadas neste país da África austral.

No informe presentado hoxe Unha vacina contra a pobreza: Mozambique, a axuda internacional e as políticas de inmunización, Gonzalo Fanjul analiza para UNICEF coa colaboración de ISGlobal, a contribución dos países doadores, o desenvolvemento dos programas de inmunización e investigación e os retos que o país afronta na actualidade. A inmunización está considerada como unha das intervencións máis eficaces, seguras e baratas para evitar enfermidades e mortes de nenos. Salva a vida de 2 millóns de nenos ao ano en todo o mundo.

a axuda contribúe a reducir a mortalidade infantil

Mozambique aínda depende da axuda externa para que os seus programas de saúde sigan en funcionamento: a axuda ao desenvolvemento supón aínda máis do 40% dos recursos

"Nun mundo no que millóns de nenos conviven coa traxedia de ver morrer un fillo que podería terse salvado cunha vacina,a nosa obriga é actuar". O autor expón nas súas conclusións o compromiso ético dos países doadores e o retorno económico que os programas de inmunización e investigación teñen non só nos países en vías de desenvolvemento senón en problemas que nos afectan a todos.

Este estudo é o terceiro dunha serie de informes que ilustran como a Axuda Oficial ao Desenvolvemento contribuíu á redución da mortalidade infantil.