O apoio de José Manuel Calderón á emerxencia do Corno de África

O Reto AFRICA de José Manuel Calderón conseguiu 18.175,4 euros. O xogador da Selección Española de Baloncesto elevou a cifra correspondente aos seus rebotes, asistencias e puntos nos partidos de preparación do Eurobasket, facendo unha doazón final de 8.447,4 euros. A través de SMS, miles de persoas achegaron un total de 8.898 euros e 830 a través de doazóns.

A iniciativa púxose en marcha o 15 de agosto co obxectivo de sumar apoios para o traballo de UNICEF no Corno de África. José Manuel Calderónfixouse un reto segundo o cal realizaría unha doazón de cen euros por cada un dos seus puntos, asistencias ou rebotes nos partidos de preparación do Eurobasket. O reto estaba aberto á participación de todo o mundo a través do envío deSMS e a través das distintas formas de colaboración que se poden consultar nesta web.  

Colaborador habitual de UNICEF en Extremadura, Caldeirón comprometeuse a través desta acción coa situación dos centos de miles de somalís afectados pola fame. A emerxencia nutricional que vive o Corno de África afecta sobre todo aos nenos: preto de 600.000 sofren desnutrición con risco para as súas vidas.  
 
UNICEF traballa en todas as áreas de acción humanitaria que salvan vidas nos campos de desprazados, nas súas comunidades limítrofes e no Sur de Somalia. UNICEF España está poñendo todos os seus esforzos dende o inicio da emerxencia en conseguir fondos para a loita contra a desnutrición no Corno de África, e agradece profundamente as achegas e o apoio de colaboradores como José Manuel Calderón e dos miles de persoas que están a contribuír ao traballo urxente para salvar as vidas de miles de nenos.