O deporte axuda a mellorar a calidade educativa en Mozambique

En Sofala, unha provincia costeira da rexión central de Mozambique, o fútbol é un deporte que esperta grandes sonos e esperanzas para os novos estudantes da escola primaria Guara-Guara. O ano pasado, os seus máis de 2.000 alumnos beneficiáronse de iniciativas para o deporte.

Trátase dun dos centos de colexios de todo o país beneficiario da iniciativa mundial International Inspiration, dirixida polo Comité Olímpico de Londres, UNICEF e outros aliados para levar as vantaxes do deporte para o desenvolvemento a 12 millóns de nenos para comezos das Olimpíadas de Londres. O obxectivo é usar o deporte comoinstrumento para o desenvolvemento dos nenos, formar os mestres cos mellores métodos para incentivar os nenos, ademais de brindar equipamento deportivo (balóns, uniformes e outros materiais).

Mozambique apoia a educación

En Mozambique11,5 millóns de persoas teñen menos de 18 anos. Dende o fin da prolongada guerra civil en 1992, realizouse un enorme esforzo para investir en educación. Hoxe, o 83% dos nenos están matriculados na escola primaria, fronte ao 32% rexistrado en 1992. Ademais, en 2005 elimináronse as taxas de ensino primario. O director de escola Guara- Guara,Zacarias Abias, que estivo a cargo deste centro de primaria dende hai case un ano, comprácese do progreso que están a realizar. Ao abeiro de Escolas Amigas da Infancia, UNICEFcontribuíu á construción de sete aulas novas e numerosos retretes. Ademais, reduciuse o número de alumnos por aulas, que pasou de 100 a 65. O obxectivo é reducilo aínda máis, a menos de 50 estudantes. Un equipo de 40 mestres encárgase de xestionar dúas sesións escolares diarias.

o deporte para o desenvolvemento dos nenos

Abias cre que a combinación de factores como a redución de alumnos por aulas, a mellora da infraestrutura física e as actividades deportivas para o desenvolvemento axudan a mellorar a calidade educativa. "Vimos as vantaxes que traen os investimentos na escola", comenta. "Os nenos e nenas gozan dun deporte máis estructurado. Iso dálles confianza e mantenos activos e entretidos".