O Museo Guggenheim acolle a xornada 'Isabel Muñoz: viaxes polo mundo'

O próximo 17 de novembro o Museo Guggenheim de Bilbao acolle a xornada Isabel Muñoz: viaxes polo mundo, un día repleto de actividades educativas en torno á fotografía, como talleres, visitas guiadas ou encontros coa fotógrafa e os xornalistas que elaboraron xunto a UNICEF Noso pequeno mundo, un retrato da infancia e os seus dereitos no século XXI. A reportaxe, publicada en El país Semanal, elaborouse con motivo do 20 aniversario da Convención dos Dereitos do Neno.

Ademais o Museo expón a partir do 17 de novembro e ata o 2 de decembro unha versión reducida das fotografías queIsabel Muñoz tomou nas súas viaxes e que reflicten os logros que se conseguiron a favor da infancia e os retos aos que moitos nenos se enfrontan aínda no seu día a día. Estas imaxes compuxeron a exposición Infancia.Fotografías de Isabel Muñoz que ten itinerado por diversas cidades españolas dende 2010. Durante esta xornada, nenos, adolescentes e maiores terán a oportunidade de achegarse á realidade de nenos de 20 países e aos dereitos da infancia a través da mirada da fotógrafa Isabel Muñoz e dos testemuños dos xornalistas de El país Semanal. A xornada cultural do 17 de novembro e a exposición enmárcanse na celebración do 15º Aniversario do Museo Guggenheim Bilbao. O período da exposición coincide ademais co Día Universal do Neno, que se conmemora cada 20 de novembro.