O Regalo Azul de UNICEF en Perfumarías If
Perfumarías If lanzou unha campaña do Nadal a favor de UNICEF co obxectivo de dar a coñecer o Regalo Azul aos seus clientes e conseguir fondos para a loita contra a poliomelite.
A polio é unhaenfermidade viral moi contaxiosa que afecta ao sistema nervioso. Os nenos pódense infectar ao comer alimentos ou beber substancias contaminadas co virus, que pode danar as súas células e causar parálise .
A polio é incurable, pero pode previrse coa vacinación. Aínda son 2,7 millóns de nenos os que non recibiron nin unha soa dose da vacina.
Nesta ocasión, o apoio de Perfumarias If e os seus clientes contribuirá á vacinación de miles de nenos e nenas contra esta enfermidade. Este Nadal, todos os clientes que envolvan os seus regalos nas Caixas Solidarias dispoñibles en calquera Perfumaría If estarán a contribuír ao Regalo Azul de UNICEF e á protección dos nenos fronte á polio.
A cadea comprometeuse a doar a UNICEF os beneficios conseguidos coa venda do seu empaquetado especial 2012.