Os nenos da recesión: como afecta a crise aos nenos nos países ricos

Nos países ricos, 2,6 millóns de nenos caeron na pobreza a causa da crise económica, polo que o número total de nenos que viven en pobreza no mundo desenvolvido se sitúa nos 76,5 millóns.

Esta é a principal conclusión do novo informe de UNICEF Os nenos da recesión: o impacto da crise económica no benestar infantil nos países ricos (Report Card 12 de Innocenti, Centro de Investigacións de UNICEF).

os recortes presupostarios teñen un impacto negativo nos nenos

O informe demostra tamén que unhas políticas de protección social máis sólidas son un factor decisivo na prevención da pobreza. Pero, aínda que os programas de estímulo económico temperán adoptados por algúns países foron efectivos á hora de protexer os nenos, o estudo demostra que en 2010 a maioría dos países pasaron bruscamente dunha política de estímulo presupostario aos recortes presupostarios, cun impacto negativo nos nenos, sobre todo na rexión mediterránea.

España perdeu unha década de avances en protección infantil

O informe tamén presenta un ranking de 41 países da Organización para a Cooperación e o Desenvolvemento Económicos (OCDE) e a Unión Europea (UE) en función de se os niveis de pobreza infantil creceron ou diminuíu dende 2008. Tamén fai un seguimento da proporción de mozos de entre 15 e 24 anos de idade que nin traballan nin estudan nin reciben formación (taxa NINI).

O informe inclúe ademais datos do Instituto de Encuestas Gallup acerca da percepción da xente sobre a súa situación económica e as súas esperanzas de futuro dende que empezou a recesión.

• En 23 dos 41 países analizados, a pobreza infantil aumentou dende 2008. En Irlanda, Croacia, Letonia, Grecia e Islandia, creceu máis dun 50%.
• En Grecia, en 2012, os ingresos medios dos fogares formados por familias con nenos afundíronse ata os niveis de 1998, o equivalente a unha perda de 14 anos de avances en canto a ingresos. Segundo este parámetro, Irlanda, Luxemburgo e España perderon unha década; Islandia perdeu 9 anos; e Italia, Hungría e Portugal 8 anos.
• A recesión golpeou con máis dureza os mozos de 15 a 24 anos, coa Taxa NINI crecendo de forma dramática en moitos países. Na Unión Europea, 7,5 millóns de mozos (case o equivalente á poboación de Suíza) foron clasificados como NINI en 2013.
• En Estados Unidos, onde a pobreza infantil extrema aumentou máis nesta crise que durante a recesión de 1982, as medidas da rede de protección social proporcionaron un apoio importante ás familias traballadoras pobres, pero foron menos eficaces para os que viven na pobreza extrema e non teñen traballo. A pobreza infantil aumentou en 34 dos 50 estados dende o inicio da crise. En 2012, 24,2 millóns de nenos vivían na pobreza, un aumento neto de 1,7 millóns dende 2008.
• En 18 países a pobreza infantil diminuíu, ás veces de forma notable. Australia, Chile, Finlandia, Noruega, Polonia e a República Eslovaca reduciron a súa taxa en torno a un 30%.

Ante a pobreza infantil en España: #YoPidoPacto