Pau Gasol recibe o premio Campión pola Paz

O campión olímpico de baloncesto e Embaixador de UNICEF España foi galardoado co premio Champion for Peace (Campión pola Paz), da fundación internacional Peace and Sport, polo seu labor solidario a través do deporte, no sexto Foro Internacional Paz e Deporte.

"É unha grande honra recibir este premio", dixo Pau Gasol no seu discurso de agradecemento a través dunvideo proxectado durante a cerimonia de entrega. O pai do deportista, Agusti Gasol, recibiu o premio en representación do seu fillo, de mans do Príncipe Alberto II de Mónaco, nunha emotiva cerimonia cargada de compromisos e esperanza para os que loitan a favor da paz e o desenvolvemento.

Polo seu labor en ‘o proxecto de Pau’

Este galardón foille outorgado a Pau Gasol en recoñecemento polo seu labor en O Proxecto de Pau, iniciativa que levou a cabo da man de UNICEF España, para apoiar o traballo de Schoolsfor Africa (Escolas para África), que promove oacceso a unha educación de calidade en África. Esta iniciativa aposta por unhas escolas nas que, á parte do ensino académico, os nenos reciban formación en hábitos saudables e dispoñan de auga e instalacións de saneamento axeitadas.  

"Fun Embaixador deUNICEF dende hai uns 10 anos e puiden ser parte dun número de iniciativas das que me sinto moi orgulloso. O deporte é unha importante ferramenta na educación dos nenos para promover a convivencia entre eles sen importar de onde veñen ou o que tivesen que pasar", dixoGasol.

Os gañadores destes premios foron elixidos por un selecto xurado presidido polo Presidente e Fundador do Foro, Joel Bouzou. A sexta edición do Foro Internacional Paz e Deporte reúne enSochi, Rusia, sede dos xogos olímpicos de inverno 2014, máis de 700 delegados, relatores e panelistas de alto nivel - xefes de Estado e ministros de Europa, Asia, África e América Latina así como prominentes atletas e representantes da comunidade deportiva mundial.