Premios UNICEF España 2015: coñece os gañadores

Os   Premios UNICEF Comité Español 2015   xa teñen gañadores. Tras valorar as máis de 50 candidaturas recibidas, o Xurado decidiu conceder os galardóns a S.M. a Raíña Dona Sofía, a Fundación Scholas Occurrentes, a curtametraxe Aquel non era eu, a organización KMG-Etiopía e a Fundación "a Caixa".

Estes premios teñen o obxectivo de recoñecer o compromiso de persoas e institucións que contribúen de xeito significativo a cambiar a vida dos nenos máis vulnerables e a avanzar na defensa dos dereitos recollidos na Convención sobre os Dereitos do Neno.

Entregaranse o próximo mes de xuño en Madrid, repartidos en catro categorías internacionais:

• Premio Joaquín Ruiz-Giménez. Esta categoría, que leva o nome do que fose presidente de UNICEF en España de 1988 a 2001, premia persoas que dedicaron gran parte da súa vida ao avance dos dereitos da infancia. Nesta edición, o premio recaeu en S.M. a Raíña Dona Sofía, que ten unha traxectoria de máis de cinco décadas na defensa dos nenos máis vulnerables.
• Premio Moviliza. Esta categoría repartiuse este ano entre Fundación Scholas Occurrentes e a curtametraxe Aquel non era eu. A primeira recibe o premio polo seu claro compromiso coa educación inclusiva e a integración das comunidades. Ao ao curto "Aquel non era Yo", o Xurado quixo destacar o seu traballo de denuncia da situación na que viven os menores de 18 anos que son utilizados como nenos soldado para participar activamente en conflitos armados.
• Premio Transforma. Este galardón recaeu na organización KMG-Etiopía por transformar co seu traballo as vidas de miles de nenas e mulleres en Etiopía. O Xurado quixo recoñecer de xeito especial a súa loita contra a mutilación xenital feminina (MGF) a través dos chamados Uncuts Girls Club, grupos de rapazas que se negan a someterse á MGF.
• Premio Emprende. Para esta categoría, o Xurado galardoou á Fundación "a Caixa" pola súa iniciativa de alianza de empresas pola vacinación infantil. A Fundación impulsou que moitas empresas españolas, como parte da súa responsabilidade social, a oportunidade de contribuír á loita contra a mortalidade infantil.