Semana da Vacinación: sabes como protexen as vacinas a Guille e Matin?

Guille ten 10 anos e viviu en España dende que naceu. Recibiu 11 vacinas nestes anos. Matin é afgán e a súa familia é nómade, acaba de recibir a súa primeira vacina con 10 anos e por puro azar. A idade é, probablemente, das poucas cousas que teñen en común.

Guille está a crecer protexido fronte a enfermidades moi perigosas como osarampelo, a polio, a hepatis b, a difteria ou apneumonía. Matin, en cambio, pasou os primeiros anos da súa vida totalmente vulnerable e con menos oportunidades de sobrevivir. Agora, grazas a UNICEF, recibiu a primeira dose da vacina contra a polio.

Son dúas historias moi diferentes, mostra da forte desigualdade deacceso á vacinación no mundo. Un mundo no que1 neno morre cada 20 segundos por enfermidades evitables co simple xesto de poñer unha vacina.

En UNICEF noso obxectivo é que ningún neno quede sen as vacinas que protexen a súa vida. Traballamos por chegar ás comunidades máis remotas, pobres e vulnerables. Así, moitos nenos en situacións como a de Matin terán a oportunidade de crecer sans.

TODOS VACiNADOS: 1,5 MILLóNS DE VIDAS EN xoGO 

Aínda que se lograron avances nos últimos anos, aínda queda moito por facer. En 2013, 21,8 millóns de nenos menores dun ano, case 1 de cada 5, non recibiron as vacinas que poden salvar as súas vidas, protexelos de enfermidades e da minusvalidez.

Na Semana da Vacinación, que se celebra dende o 24 ao 30 de abril, dende UNICEF queremos recordar que as vacinas salvan cada ano entre 2 e 3 millóns de vidas, o que demostra a súa efectividade.

Non obstante, os nenos máis pobres e vulnerablesnon están a recibir as vacinas esenciais a pesar de ser os que máis as necesitan. Se estes nenos tivesen acceso a vacinas, poderíanse salvar 1'5 millóns de vidas máis.

Coa túa axuda, podemos conseguilo. Contigo podemos lograr que todos os nenos estean vacinados.