Shakira reúnese con xogadoras de fútbol para promover o desenvolvemento das nenas en Acerbaixán

A cantante e Embaixadora de Boa Vontade de UNICEF, Shakira, reuniuse recentemente cun equipo de fútbol adolescente dunha liga de fútbol feminino nacional en Acerbaixán, que recibe o apoio de UNICEF.

Durante a súa visita,Shakira animou as nenas a continuar coa súa educación, ao tempo que avogou pola ampliación e a mellora da educación, especialmente das nenas máis vulnerables. "O goberno de Acerbaixán e a sociedade civil deben traballar man a man para garantir que todos os nenos vaian á escola, independentemente do seu xénero e de onde vivan. As zonas máis problemáticas son as rurais, polo que temos que centrarnos nesas áreas," dixo.Shakira tivo a oportunidade de falar coas xogadoras, animándoas a aproveitar a súa popularidade e o poder do fútbol para animar outras nenas a rematar a súa educación. Ademais, escoitou as experiencias das nenas, que lle regalaron unbalón de fútbol asinado por todos. "O deporte é unha gran ferramenta para socializarse e tamén para que o goberno e a sociedade manteñan estes nenos na escola", afirma.

o deporte como clave para a promoción da educación das nenas

UNICEF leva traballando dende 2011 parapromover o desenvolvemento das nenas mediante a educación, un ambiente de deporte inclusivo e a participación das nenas no deporte.A través do programa de fútbol, UNICEF ensina ás novas futbolistas estilos de vida saudables, habilidades na vida, e os dereitos dos nenos. O pasado ano, adestráronse sete equipos; este ano, a once. Os equipos viaxan a aldeas rurais animando as nenas a participar nun partido amigable e logo a falar sobre as súas preocupacións, entre elas, o matrimonio infantil.

Escolas inclusivas e o deporte

"É un feito lamentable que hai nenas tan desalentadas coa educación que reciben, que consideran casarse e deixar a escola. Por esta razón,UNICEF está a traballar co Ministerio de Educación para asegurar que as escolas son o máis inclusivas posibles", di o Representante de UNICEF en Azerbiyán,Mark Hereward.