Socios de Andalucía coñecen o legado solidario como vía de colaboración coa infancia

Socios de UNICEF Comité Andalucía e profesionais do sector da infancia déronse cita o 17 de setembro nas oficinas da organización en Sevilla para debater en profundidade sobre a importancia que herdanzas e legados teñen como vía de colaboración con UNICEF a longo prazo.

Este encontro, dirixido a socios deCádiz, Córdoba, Huelva eSevilla maiores de 50 anos, contou co testemuño de María Dolores Tito, madrileña afincada en Huércal Overa e socia de UNICEFComité Almería, quen explicou asrazóns que o levaron a incluír a UNICEF no seu testamento.Para María Dolores, "esta é unha responsabilidade que temos para as xeracións vindeiras. Para min é unha satisfacción saber que seguirei axudando cando xa non este aquí, especialmente aos nenos e as nenas que máis o necesitan". A presenza da notaria cordobesa Inmaculada Fernández contribuíu a resolver as dúbidas de carácter xurídico que xurdiron entre os asistentes. ParaFernández, en España, especialmente en Andalucía, "non vemos a posibilidade de testar como algo práctico e ímolo deixando. Descoñecemos que pode pasar se non deixamos nosa última vontade por escrito ou as distintas posibilidades que existen". Ademais das opcións máis habituais, como son facer un legado a UNICEF ou outras organizacións, incluír a UNICEF como coherdeiro ou como herdeiro universal, durante a charla formuláronse outras posibilidades interesantes. Tal e como explicouInmaculada Fernández, a situación actual de crise está a propiciar que herdeiros que se encontran no estranxeiro ou en mala situación económica, rexeiten o testamento do seu familiar ante os gastos e impostos que isto supón, polo menos en Andalucía. "Sempre podes incluír a UNICEF como destinatario dos bens no caso de que os teus herdeiros renuncien; é outra vía", aclarou Fernández.

Aínda que esta forma de colaboración é algo incipiente no noso país, as herdanzas e legados constitúen unha importante fonte de financiamento que permiten aUNICEF continuar co seu traballo e multiplicar os seus resultados. Son, ademais, fondos que, pola súa aplicación a medio e longo prazo, sustentan programas que causan un impacto profundo e que transforman de forma sostible a realidade na que vive a infancia.Grazas ás persoas que decidiron xa designar a UNICEF como destinataria dunha parte da súa herdanza, a organización puido responder a grandes emerxencias humanitarias, así como obter notables logros na redución da mortalidade infantil, o acceso á educación ou a protección dos nenos fronte á violencia e a explotación.