Terremoto en Ecuador: que estamos a facer desde UNICEF?

O terremoto en Ecuador, de 7,8 graos na escala Richter, causou unha gran devastación no país.

 

Segundo as cifras oficiais, máis de 270 persoas morreron a causa do sismo e máis de 2.000 resultaron feridas.

 

Gran parte das súas infraestruturas sufriron danos tras o grave tremor. Miles de persoas levan dúas noites durmindo no exterior por medo a novas réplicas. 

 

Baía, Esmeraldas, Guayaquil, Manta, Muisne e Portoviejo son algunhas das cidades máis afectadas.

 

Ante esta situación de emerxencia, desde UNICEF estamos a traballar xunto outras organizacións humanitarias en Ecuador para proporcionar toda a axuda necesaria. Tamén estamos en constante coordinación coas autoridades para apoiar a súa resposta en todo momento e así paliar as consecuencias que o terremoto está a ter en miles de nenos e as súas familias. 

 

Seis provinciasen todo o país atópanse en estado de emerxencia. Os compañeiros de UNICEF en Ecuador desprazáronse xa ataPedernales, a zona máis afectada polo sismo. Alí están a avaliar as necesidades da poboación, especialmente dos nenos e as súas familias.

 

Polo momento, distribuímos20.000 pastillas potabilizadoras de auga para que as persoas que máis están a sufrir as consecuencias do terremoto teñan acceso a auga potable, un dos primeiros servizos que ven interrompidos tras un desastre destas características. 

 

Ademais imos enviar de forma urxente outras subministracións para paliar as necesidades deauga e saneamento, educación e protección. Algúns exemplos deste material son escolas temporais, kits escolares ou tendas de campaña.

 

Atopámonos ante oterremoto máis forte que sufriuEcuador desde 1979, que chega días antes de que se cumpra un ano do terremotoque devastó Nepal e que levou a vida de case10.000 persoas. 

 

Neste tipo de situacións de emerxencia, en UNICEF preocúpannos especialmente osnenos. Protexelos debe ser unha prioridade para minimizar o impacto e o traumaque poden sufrir tras un terremoto destas características. 

 

En UNICEF calculamos que necesitamos 1 millón de dólares (900.000 euros)para facer fronte aos primeiros días destaemerxencia. Se podes, doa para axudar aos nenos afectados poloterremoto en Ecuador.