Tifón en Filipinas: reestablécese o abastecemento de auga en Tacloban
As negociacións levadas a cabo entre UNICEF, as forzas armadas de Filipinas eUSAID concluíron co compromiso de que se utilizase petróleo o exército filipino para abastecer a planta de subministración de auga durante catro días, e USAID comprometeuse a manter a subministración do combustible necesario de forma permanente.
"É moi importante
subministrar 15 litros de auga potable ao día a cada persoa se
queremos previr diarreas e outras enfermidades transmitidas pola
auga", dixo o Representante de UNICEFen Filipinas, Tomoo Hozumi.
"Hoxe presenciamos unha
mostra de colaboración indispensable entre o goberno, os doadores e
os organismos da ONU que,
literalmente, vai permitir salvar vidas. Grazas a estes esforzos,
centos de miles de persoas agora terán suficiente auga potable para
satisfacer as súas necesidades básicas para cociñar, limpar e
manter a súa hixiene. "
Axuda a Filipinas: acceso a auga potable
O uso a pleno rendemento da planta de tratamento de auga permitirá que 30.000 conexións teñan acceso a auga potable. O aumento da produción de auga dende 15.000 litros cúbicos aos 60.000 litros cúbicos actuais reducirá as colas que se producen nas fontes públicas.
Nas últimas 48 horas,UNICEF distribuíu auga e
subministracións de saneamento con avións e camións enTacloban e outras áreas afectadas,
incluíndo Roxas, como parte do
traballo constante por restaurar a subministración de auga potable
e reducir así a ameaza de que aparezan enfermidades causadas pola
falta de saneamento ou por auga contaminada.
O próximo paso será
reparar as canalizacións de distribución de auga e levar auga ás
zonas máis inaccesibles.