UNICEF e ONUSIDA celebran a noticia do bebé nacido con VIH agora "funcionalmente curado"
UNICEF e o Programa Conxunto de Nacións Unidas sobre VIH/SIDA (ONUSIDA) celebran un novo estudo de caso, segundo o cal un bebé tratado con medicamentos antirretrovirales durante as súas primeiras 30 horas de vida e que continuou en tratamento durante 18 meses parece estar "funcionalmente curado".
Os achados foron presentados esta semana na Conferencia sobre Retrovirus e Infeccións Oportunistas (CROI, nas súas siglas en inglés) en Atlanta (Xeorxia, Estados Unidos). Segundo os investigadores, a nai, que tiña o VIH no momento do nacemento, non recibira medicamentos antirretrovirales nin coidados prenatais. Os investigadores aseguran que a nena naceu prematura en xullo de 2010 no estado de Mississippi. Debido ao alto risco de contaxio do VIH, os investigadores explican que se empezou cunha terapia de tripla combinación de fármacosantirretrovirales 30 horas despois do nacemento e antes de que puidese probarse se estaba infectada. O positivo en VIH da recén nacida confirmouse posteriormente mediante unha proba de reacción en cadea da polimerasa, altamente sensible, que se realizou varias veces. O caso revelou que o bebé foi dado de alta unha semana despois e continuou o tratamento ata os 18 meses de idade, cando se suspendeu por razóns que non están claras. Non obstante, cando a nena foi vista por profesionais médicos aproximadamente medio ano despois, as mostras sanguíneas mostraron niveis indetectables do VIH e non había anticorpos específicos contra o VIH.Se estes descubrimentos se confirman, sería o primeiro caso documentado dun neno con VIH que aparentemente non ten niveis detectables do virus a pesar da interrupción do tratamento contra o VIH.
"UNhA xERACIÓN LIBRE DE SIDA"
"Esta noticia dános unha grande esperanza de que a cura do VIH en nenos é posible, e podería achegarnos a unha xeración libre de SIDA", dixo o Director Executivo de ONUSIDA,Michael Sidibé. "Isto tamén subliña a necesidade de investigación e innovación, especialmente na área do diagnóstico precoz", agregou.En 2011, ONUSIDA e os seus aliados lanzaron un plan global para a eliminación de novas infeccións de VIH entre nenos para 2015, e manter as súas nais vivas. Fíxose un progreso significativo e necesítase investigación e apoio continuado. "Mentres esperamos que futuras investigacións confirmen estes resultados, estas son potenciais boas noticias", sinalou o Director Executivo de UNICEF, Anthony Lake. "Este caso tamén demostra o que xa sabiamos: é vital facer probas aos recén nacidos que están en risco o antes posible".Segundo datos da Organización Mundial da Saúde (OMS) e UNICEF,só ao 28% dos bebés en risco de contaxio do VIH se lles fixo a proba do VIH nas seis semanas seguintes ao nacemento, en 2010. Entre os obstáculos para o diagnóstico precoz e o tratamento están o alto custo das probas, a dificultade de obter resultados a tempo e o acceso limitado a servizos e medicinas.En 2011 houbo 330.000 novos nenos infectados conVIH. A finais de 2011, o 28% dos nenos menores de 15 anos con VIHestaban en tratamento, fronte ao 54% de adultos. Agora, a nena de dous anos e medio continúa crecendo sen terapia antirretroviral nin niveis identificables de VIH. Non obstante, ONUSIDA advirte de que deben realizarse máis estudos para comprender os resultados e saber se os descubrimentos actuais se poden replicar.