500.000 nenos migrantes e refuxiados expostos á explotación nunha crise que alimenta as redes de traficantes
Os novos datos revelan que desde xaneiro de 2015, ao redor de medio millón de nenos migrantes e refuxiados recorreron aos servizos de traficantes de persoas. Empuxados pola desesperación e os atrasos nos procesos caen en mans de criminais dispostos a beneficiarse da súa vulnerabilidade.
Para poder traer á luz estes negocios turbios de tráfico de nenos migrantes cara a Europa e ofrecer unha resposta adecuada, UNICEF solicitou información desde distintas fontes - incluíndo a Europol-Interpol, testemuños dos propios nenos, publicacións doutras axencias de Nacións Unidas, ONG, e informes en medios corroborados.
Os datos publicados esta semana
por Eurostat revelan que máis de 580.000 solicitudes de asilo foron
presentadas por nenos en Europa* desde xaneiro de 2015. Segundo un
informe recente da Europol-Interpol máis de 90% das viaxes
realizadas polas persoas refuxiadas e migrantes que chegan á Unión
Europea son facilitados por traficantes que traballan para redes
criminais, polo que se estima que polo menos medio millón de nenos
recorreron a traficantes nalgún punto do seu percorrido. Os nenos
non acompañados supoñen preto de 100.000 destas persoas, e están
especialmente predispostos a usar eses servizos.
"Pechar fronteiras é como
pechar as portas con chave, pero deixando as xanelas abertas, isto
empuxa aos nenos, especialmente ao non acompañados, a tomar riscos
maiores", dixo Marie-Pierre Poirier, coordinadora especial de
UNICEF para a crise de persoas refuxiadas e migrantes en
Europa.
"Aínda que a onda de migrantes e
refuxiados baixou considerablemente, os peches fronteirizos, as
políticas estritas de migración e o acordo Unión Europea-Turquía
levaron a estes grupos criminais a adaptar rutas de tráfico de
drogas e armas ben establecidas polas que transportar a persoas
refuxiadas e migrantes."
"As políticas de control
migratorio son as que a miúdo guiaron aos Estados na súa
resposta, en lugar das necesidades urxentes e reais e os dereitos
dos nenos refuxiados e migrantes . Se houbese opcións legais e
seguras, os nenos e as súas familias non se verían forzados a verse
entre as mans de traficantes que levan a moitos deles por rutas
perigosas ou irregulares".
Actualmente estímase que tanto o
tráfico como a trata de persoas xeran ganancias de 5 ou 6 miles de
millóns de dólares anualmente. Como o número de persoas facendo
estas perigosas viaxes descendeu, Europol estima que estes
criminais triplicaron os seus prezos, con moitos migrantes pagando
até 3.000 euros por cada traxecto da súa viaxe.
Os nenos ven obrigados a
endebedarse a miúdo con eles para ser transportados. Ter que pagar
estas débedas ponlles nun risco aínda maior de explotación por
parte dos traficantes. Hai informes de nenos non acompañados en
Francia e Italia que ven forzados a traballar, a intercambiar
servizos sexuais ou coaccionados para cometer crimes.
Para protexer aos nenos migrantes e
refuxiados, UNICEF fai un chamamento urxente:
· É
necesario realizar esforzos moito maiores para identificar as
accións de tráfico e trata dirixidas aos nenos en
tránsito.
· En
países de tránsito, particularmente en Grecia e Italia, é crítico
que os actores de protección infantil estean equipados para poder
dar asistencia individual e apoio a todos os nenos migrantes e
refuxiados vulnerables, con enfoque especial nos nenos non
acompañados.
·
Unha recollida de datos dos nenos máis estrita no contexto da
resposta a persoas migrantes e refuxiadas en Europa.
Cando a calidade da resposta
mellora, e inclúe unha entrevista persoal dentro das primeiras 72
horas, mellor acceso á información, nomeamento dun adulto de
referencia como titor, actualizacións frecuentes no seu proceso e
acceso mellorado a asistencia legal, o risco de que o neno se
marche de forma inadvertida para continuar a súa viaxe con
traficantes redúcese considerablemente.
UNICEF estivo establecendo
equipos móbiles en áreas crave con expertos en protección infantil,
para proporcionar servizos a nenos en tránsito e axudar a
identificar rapidamente aos nenos que poden ser vítimas de tráfico
e trata. Por exemplo, o equipo especialista e aliados nos centros
de menores non acompañados en Atenas e arredores e no porto de
Lampedusa, Italia, están a colaborar na identificación e asistencia
de mulleres e nenas que puideron ser vítimas de explotación sexual.
UNICEF comprometeuse tamén a un monitoreo e investigación
permanente do impacto do tráfico nos nenos refuxiados e
migrantes.
Nota para os editores:
*Os datos de Eurostat revelan un total de
586.645 solicitudes de asilo de nenos nos últimos 19 meses en toda
Europa, 560.140 en países da UE. Mentres que o total pode
incluír casos de dobre contabilización de nenos, tanto en canto
solicitaron asilo en máis dun país, non inclúe aqueles nenos
refuxiados ou migrantes que non solicitaron ou puideron solicitar
asilo.
Para descargar fotografías:
https://box.unicef.es/files/i1y8YvkvkYYfhF8Ru7VKiujDUgNhlCIM4AjMkhbbukFYcr9lcouPq/Fotos_ninos_en_transito.zip
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.
