56 municipios reciben o recoñecemento de Cidades Amigas da Infancia

Xa son 119 cidades e pobos de toda España os que forman parte desta rede para a defensa e promoción dos dereitos da infancia

56 cidades e pobos españois recibiron por primeira vez o recoñecemento de Cidade Amiga da Infancia (CAI). En total, dende o inicio do programa hai 12 anos, xa son 119 municipios os que contan con este selo, que debe ser renovado cada catro anos. Nesta ocasión, ademais dos novos recoñecementos, resolveuse renovar os concedidos en edicións anteriores a 30 localidades.

O xurado, formado por UNICEFComité Español, o Ministerio de Sanidade, Servizos Sociais e Igualdade, a Federación Española de Municipios e Provincias e o Instituto Universitario de Necesidades e Dereitos da Infancia e a Adolescencia, fixo público hoxe o seu fallo sobre este selo que recoñece o traballo dos concellos polos dereitos dos nenos. O programa Cidades Amigas da Infancia pretende impulsar e promover a aplicación da Convención sobre os Dereitos do Neno no ámbito local e fomentar o traballo en rede entre os distintos municipios que forman parte da iniciativa. O obxectivo é que administracións e gobernos desenvolvan e implementar estratexias para o benestar dos nenos defendendo os seus dereitos, fomentando a súa participación e facendo das cidades ámbitos máis habitables, especialmente para os máis novos. Ademais dos municipios que recibiron o Selo de Recoñecemento de Cidade Amiga da Infancia, o xurado tamén outorgou 36 distincións do VII Certame de Boas Prácticas, un concurso no que se premian proxectos ou actuacións exemplares a favor da infancia e a adolescencia, levadas a cabo por gobernos locais e outras entidades públicas e privadas. Os recoñecementos CAI e de Boas Prácticas concédense cada dous anos tras un proceso de seguimento aos municipios e institucións que se presentan ao programa. Así, durante o pasado mes de setembro, unha comisión técnica visitou as distintas localidades para avaliar se, efectivamente, as súas liñas de actuación en relación á infancia e a adolescencia se axustaban aos requisitos esixidos.

Entre as condicións para chegar a ser Cidade Amiga da Infancia encóntrase o fomento da participación infantil nos espazos reservados para iso, apoiar a creación de plans de infancia municipais, impulsar políticas en beneficio dos nenos ou promover o traballo en rede entre os membros da iniciativa. O Selo de Recoñecemento CAI e as distincións de Boas Prácticas entregaranse nun acto que terá lugar o 7 de novembro en Guadalajara, Cidade Amiga da Infancia dende a pasada edición dos recoñecementos en 2012.

Municipios que recibiron o Selo de recoñecemento CAI por primeira vez:

ALBACETE (ALBACETE), ALCALÁ DE HENARES (MADRID), ALCORCÓN (MADRID), ALJARAQUE (HUELVA), ALMONTE (HUELVA), ALOVERA (GUADALAJARA), ARGANDA DEL REY (MADRID) ÁVILA (ÁVILA), AZUQUECA DE HENARES (GUADALAJARA), BARBASTRO (HUESCA), CABANILLAS DEL CAMPO (GUADALAJARA), CALATAYUD (ZARAGOZA), CAMARMA DE ESTERUELAS (MADRID), CANDAMO (ASTURIAS), CÁRTAMA (MÁLAGA), CASTRO DEL RÍO (CÓRDOBA), CIUDAD REAL (CIUDAD REAL), COMARCA DE LA SIDRA (ASTURIAS), DOS TORRES (CÓRDOBA), FORMENTERA (FORMENTERA), EJEA DE LOS CABALLEROS  (ZARAGOZA), EL FRANCO (ASTURIAS), GRANOLLERS (BARCELONA), IBIZA (IBIZA), IZNÁJAR (CORDOBA), LA CARLOTA (CÓRDOBA), LA VICTORIA (CÓRDOBA), LAS REGUERAS (ASTURIAS), LEGANÉS (MADRID), LEÓN (LEÓN), LOGROÑO (LOGROÑO), LOS REALEJOS (TENERIFE), MAHÓN (MENORCA), MANRESA (BARCELONA), MARBELLA (MÁLAGA), MECO (MADRID) MISLATA (VALENCIA), NAVA (ASTURIAS), NAVIA (ASTURIAS), PALAFRUGELL (GIRONA), PARRES (ASTURIAS), PILOÑA (ASTURIAS), PONFERRADA  (LEÓN), PUERTO DEL ROSARIO (FUERTEVENTURA), SANTA LUCÍA DE TIRAJANA (GRAN CANARIA), SANTA MARTA DE TORMES (SALAMANCA), SANTANDER (CANTABRIA), SANTANYÍ (MALLORCA), SEVILLA (SEVILLA), SIGÜENZA (GUADALAJARA), TORRE-PACHECHO  (MURCIA), TORREJÓN DEL REY (GUADALAJARA), TORRENT (VALENCIA), VÍCAR (ALMERÍA), VILLANUEVA DE LA SERENA (BADAJOZ), VILLANUEVA DE LA TORRE (GUADALAJARA), VILLAVICIOSA (ASTURIAS).

Municipios aos que se lles renovou o Selo de recoñecemento CAI:

AVILÉS (ASTURIAS), ALCOBENDAS (MADRID), BELMONTE   DE   MIRANDA   (ASTURIAS), SAN      SEBASTIÁN      DE      LOS      REYES (MADRID), LAVIANA (ASTURIAS), TINEO (ASTURIAS), SIERO (ASTURIAS), CABRA (CÓRDOBA), MÁLAGA, GRANADA, ALCALÁ  DE  GUADAIRA  (SEVILLA),  CARRIÓN  DE LOS CÉSPEDES (SEVILLA), LORA DEL RÍO (SEVILLA), OLIVARES (SEVILLA), CONIL DE LA FRONTERA  (CÁDIZ), VERA (ALMERÍA),  SAN BARTOLOMÉ  DE LA  TORRE   (HUELVA),   SOMIEDO   (ASTURIAS),   ALCÁZAR   DE  SAN   JUAN (CIUDAD   REAL),   QUART   DE  POBLET   (VALENCIA),   SAN  CRISTÓBAL   DE SEGOVIA (SEGOVIA), COLLADO VILLALBA (MADRID), DAIMIEL (CIUDAD REAL),  ALZIRA  (VALENCIA),  BARCELONA,  PALENCIA,  CÁCERES, VILLAMAYOR (SALAMANCA), CORNELLÁ DE LLOBREGAT (BARCELONA) Y UMBRETE (SEVILLA).

Máis información sobre o programa CAI:

www.ciudadesamigasdelainfancia.org

Acerca de UNICEF

UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas as partes.