Nos 10 países con maior índice de nenos sen escolarizar, un 40% da infancia carece de acceso a educación básica
Segundo revelou hoxe UNICEF, nos 10 países con maior índice de nenos sen escolarizar en educación primaria, polo menos dúas de cada cinco nenos (un total de 18 millóns) non ten acceso ao sistema educativo.
En Liberia atópase a maior porcentaxe de nenos sen escolarizar, con case dúas terceiras partes de nenos en idade de recibir educación primaria que non van á escola. O segundo país da lista é Sudán do Sur, onde o 59% dos nenos está a quedarse sen o dereito a unha educación primaria e onde unha de cada tres escolas pechou as súas portas polo conflito.
Afganistán (46%), Sudán (45%),
Níxer (38%) e Nixeria (34%) tamén se atopan entre os 10 países con
maiores índices de nenos sen escolarizar en educación primaria, o
que demostra con claridade que as emerxencias humanitarias e as
longas crises están a obrigar aos nenos a abandonar a escola.
A análise de datos de UNICEF,
publicado ao mesmo tempo que millóns de nenos regresan á escola
este mes, destaca o alcance dunha crise na educación que afecta a
países xa deteriorados por conflitos, longos períodos de secas,
terremotos e altas taxas de pobreza extrema.
UNICEF teme que sen educación,
toda unha xeración de nenos dos países afectados por conflitos,
desastres naturais e pobreza extrema creza sen as destrezas
necesarias para contribuír aos seus países e as súas economías,
empeorando así a situación desesperada na que xa se atopan millóns
de nenos e as súas familias.
A educación segue sendo un dos
sectores que recibe menos financiamento nos chamamentos
humanitarios. En 2015, as axencias humanitarias recibiron tan só o
31% das súas necesidades de financiamento para este sector, moi por
baixo do 66% de hai unha década. A pesar do aumento do 126% nos
requisitos educativos desde 2005, o financiamento incrementouse en
só un 4%. Ademais, os sistemas educativos preparados para resistir
crises prolongadas non se poden construír sobre a base duns
chamamentos a curto prazo e imprevisibles.
Durante o Cume Humanitario
Mundial, celebrada en maio de 2016, lanzouse a nova plataforma
mundial A educación non pode esperar coa intención de crear unha
ponte entre as intervencións humanitarias durante as crises e o
desenvolvemento posterior a longo prazo mediante un financiamento
predicible.
Aínda que non se atopa entre os
10 países con maiores índices de nenos sen escolarizar, Siria
acolle a 2,1 millóns de nenos en idade escolar (de entre cinco e 17
anos) que non van á escola. Ademais, outros 600.000 nenos sirios
que viven refuxiados noutros países da rexión carecen tamén de
acceso á escola.
Os datos máis recentes e fiables
sobre países como Somalia e Libia non se atopan dispoñibles nin
fontes administrativas nin noutras procedentes de enquisas, o
cal se debe, en parte, aos continuos conflitos.
"Para os países afectados por un
conflito, a escola prepara aos nenos cos coñecementos e as
destrezas que necesitarán para reconstruír as súas comunidades
cando se acabe esta crise. A curto prazo, proporciónalles unha
estabilidade e unha orde que lles axuden a soportar o trauma.
Ademais, as escolas tamén protexen aos nenos dos perigos físicos e
traumáticos que os rodean. Cando un neno non vai á escola, aumenta
o perigo de que sufra abusos e explotación ou de que o recruten en
grupos armados", asegurou Jo Bourne, xefe de educación de
UNICEF.
Para descargar material audiovisual:
Video (totales y recursos)
Fotografía
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.
