Nire eskola, nire taldea!

Bizikidetza, ongizatea eta tratu ona

Ikasturte honetarako proposamenak hezkuntza-komunitateko talde-ikuspegia planteatzen du, non denek parte hartzen duten haurren eskubideak betetzeko helburuan, bizikidetza, ongizate eta tratu onean ikuspegi espezifikoa jarrita. 

Eskubideak helburu partekatu gisa

Talde bat helburu edo xede partekatu bat lortzeko elkarrekin lan egiten duen pertsona-talde bat da. Eskola batek helburu asko izan ditzake, baina garrantzitsuenetako batzuk haurren eta nerabeen eskubideak betetzearekin lotuta daude. Argiena hezkuntzarako eskubidea litzateke, baina eskubideak elkarri lotuta daudenez, hau ez litzateke posible izango ikastetxeek babesa, diskriminaziorik eza, berdintasuna, osasuna eta jokoa bezalako eskubideak zainduko ez balituzte.

Denek parte hartzen duten taldea  

Ikastetxeaz ari garenean, ez gara soilik eraikinaz, irakasleez edo eskola-administrazioaz ari. Ikastetxe bat eskola izan dadin, beharrezkoa da eskola-komunitate osoak parte hartzea eta inguruarekin, auzoarekin edo udalerriarekin harremanak izatea. Eskolak, gainera, dimentsio globala du: mundura zabaltzen da eta herritarrak prestatzen ditu bere garapenerako beharrezkoak diren jarrera, gaitasun eta ezagutzarekin.

Eskolako bizikidetza eta giroa: diskriminaziorik eza

Talde-ikuspegi hori beharrezkoa da gaur egun mundu osoko ikastetxe eta institutuei planteatzen zaizkien erronketako batzuk gainditzeko. Talde batek emaitza onak lortzeko, taldea osatzen duten pertsonek elkarri lagundu behar diote, elkar errespetatu, elkar animatu inor atzean ez utzi. Hala ere, ikasle askok inguruan jasaten duten diskriminazioak, eskola-jazarpenak, gorroto-diskurtsoek eta eskola-indarkeriaren beste adierazpen batzuek adierazten dute talde-espiritu hori ez dagoela ikastetxe askotan.

Tratu ona eta babesa

Zeregina ez da erraza, eta ez da ikastetxearen ardura bakarrik. Ikasturte honetan, egoera horri hainbat ikuspegitatik heltzeko gaiak planteatu eta ideiak proposatuko ditugu: babes-koordinatzaileen irudian sakonduz, bake- eta ekitate-balioekiko lankidetza eta konpromisoa sustatzen duten jarduerak proposatuz, eta ikastetxeekin elkarrizketa bat ezarriz, haurren eskubideetan oinarritutako hezkuntzaren planteamenduan aurrera egin ahal izateko.