A miña escola, o meu equipo!

Convivencia, benestar e bo trato

A proposta de centros educativos deste curso propón unha visión en equipo da comunidade educativa na que todos colaboren e contribúan ao cumprimento dos dereitos da infancia, con especial atención á convivencia, o benestar e o bo trato.

Os dereitos como obxectivo compartido

Un equipo é un grupo de persoas que traballan xuntas para acadar un propósito ou obxectivo común. Unha escola pode ter moitos obxectivos, pero algúns dos máis importantes están relacionados co cumprimento dos dereitos da infancia e da adolescencia. O máis evidente sería o dereito á educación, pero, como os dereitos están interrelacionados, isto non sería posible se os centros educativos non se velase tamén por dereitos como a protección, a non discriminación, a igualdade, a saúde, o xogo...

Un equipo no que todos participan

Cando falamos de “escola”, non nos referimos só ao edificio, ao profesorado ou á administración da escola. Para que un centro educativo sexa unha escola, é necesaria a participación de toda a comunidade escolar e a relación coa contorna, a veciñanza ou o concello. A escola ten ademais unha dimensión global, na que se abre ao mundo e prepara aos cidadáns coas actitudes, habilidades e coñecementos necesarios para o seu desenvolvemento.

Convivencia e clima escolar: non discriminación

Esta visión de equipo é necesaria para superar algúns dos retos aos que se enfrontan hoxe as escolas e institutos de todo o mundo. Para que un equipo acade bos resultados, as persoas que forman o equipo deben apoiarse mutuamente, respectarse, animarse e non deixara ninguén atrás. Porén, a discriminación que sofren moitos alumnos na súa contorna, o acoso escolar, os discursos de odio e outras manifestacións de violencia escolar, son un indicador de que este espírito de equipo non está presente en moitos centros educativos.

Bo trato e protección

A tarefa non é doada, nin é competencia exclusiva do centro. Ao longo deste curso imos formular preguntas e propoñer ideas para abordar esta situación desde diferentes perspectivas: afondando na figura dos coordinadores de protección, propoñendo actividades que fomenten a colaboración e o compromiso cos valores de paz e equidade, e establecendo un diálogo con centros educativos que lles permita avanzar nun enfoque da educación nos dereitos da infancia.