Evitar máis mortes no Corno de África
Cen días despois da declaración de fame nalgunhas rexións do sur de Somalia, UNICEF e os seus aliados están a realizar importantes esforzos para previr unha segunda onda de mortes, que podería ser máis devastadora que a primeira debido ás enfermidades xurdidas no medio do conflito.
"A choiva aliviará a situación nas zonas afectadas pola seca en Somalia e países veciños. Pero á vez aumenta o risco de brote de enfermidades e dificulta a distribución de axuda," asegurou Elhadj As Sy, Director Rexional de UNICEF para África Oriental e Meridional.
"O aumento dos enfrontamentos no sur de Somalia tamén está a dificultar que os nosos aliados poidan distribuír de maneira segura a axuda que salva as vidas dos nenos e as súas familias."
Como dixo Sy, estes factores
poderían agravar a crise humanitaria que hai enSomalia e en toda a rexión. "UNICEF intensificará
os seus esforzos para chegar aos nenos alí onde estean e minimizar
o impacto da xa deteriorada situación. Facemos un chamamento aos
nosos doantes a reforzar a súa incalculable axuda", engadiu.
Protexer aos nenos de enfermidades
En Mogadiscio, UNICEF e a OMS comezaron esta semana unha campaña de vacinación contra o sarampelo dirixida a 750.000 nenos de entre seis meses e 15 anos. Desde a declaración de fame en xullo, máis dun millón de nenos foron vacinados contra o sarampelo en Somalia.
"En todo o país, decenas de miles de nenos morreron nos últimos meses, e centos máis morren cada día. Calquera atraso ou interrupción na distribución da axuda é unha cuestión de vida ou morte," dixo Sikander Khan, Representante de UNICEF en Somalia.
Os nenos con desnutrición severa teñen 9 veces máis probabilidades de morrer de enfermidades infeccionas como o sarampelo, cólerae malaria que os nenos en bo estado de saúde.
Existen outros riscos como: ogran número de persoas desprazándose, concentrándose nos campamentos; o baixo nivel de inmunización; falta de infraestruturas de auga e saneamento adecuadas. O comezo da tempada de choivas xeralmente provoca picos no número de persoas que sofren enfermidades relacionadas coa auga como diarrea aguda e malaria.
Os enfrontamentos e o aumento da seguridade na área fronteiriza levaron a un descenso significativo no número de refuxiados somalíes que cruzan a Kenya, baixando dos 3.400 das semanas anteriores a 100 persoas durante a semana do 17 ao 23 de outubro.
UNICEF continúa o seu traballo en Dadaab
A pesar da suspensión temporal de todas as actividades, menos as que resultan vitais, nos campamentos de refuxiados de Dadaab, despois do secuestro de dous traballadores humanitarios, UNICEF comprometeuse a continuar dando apoio aos nenos con desnutrición severa e aos enfermos á vez que segue proporcionando auga potable, acceso a educación e protección a través das súas organizacións aliadas
Logros conseguidos e novas necesidades
Desde a declaración de fame o 20 de xullo, case 110.000 nenos severamente desnutridos foron tratados en centros apoiados por UNICEF na rexión. Máis de
O chamamento de UNICEF para financiar as súas operacións no Corno de África en 2011 é de 425 millóns de dólares (299,97 millóns de euros). As necesidades para 2012 tamén roldarán os centos de millóns e as contribucións necesitaranse de maneira urxente para que os programas de alimentación poidan apoiar aos nenos e as súas familias sen interrupcións.
Só para Somalia, UNICEF necesita 300 millóns de dólares en 2012 (211,74 millóns de euros) para garantir o actual nivel de apoio e aumentalo onde se necesite. "Necesitamos conseguir estes fondos canto antes para garantir a distribución de subministracións críticas para manter aos nenos vivos," dixo Khan.