India: F. Alonso visita un hospital con UNICEF

"Todos os nenos teñen dereito a correr, xogar e vivir unha vida sa sen poliomielitis", afirmou Fernando Alonso, bicampión do mundo de Fórmula 1, piloto de Ferrari e Embaixador de UNICEF España, durante unha visita ao hospital infantil Chacha Nehru Bal Chikitsalaya, no leste de Delhi, India.
 

"A polio é unha enfermidade terrible, de consecuencias catastróficas para os nenos, podemos e debemos erradicala do planeta", dixo o Embaixador de UNICEF España.

Fernando entregou agasallos aos nenos en varias salas do hospital, incluíndo a sala de fisioterapia do Centro de Desenvolvemento Infantil evacinou a cinco deles coa vacina oral contra a polio. "Estou orgulloso de estar aquí vacinando a nenos contra a poliomielitis", dixo. "É fundamental que todos os nenos de India continúen sendo vacinados, ata que esta enfermidade fose erradicada en todo o mundo. Todos esperamos que ocorra pronto".

Destacando os esforzos de India na carreira contra a poliomielitis, cun só caso rexistrado este ano -fai xa máis de nove meses- Alonso dixo: "Desexo todo o éxito a India na súa loita contra a polio".

a loita de India contra a polio

Este ano India rexistra notables progresos contra a polio. Por primeira vez na historia, non se deu ningún caso durante case nove meses consecutivos.O derradeiro

caso foi enHowrah, o pasado 13 de xaneiro. Os estados indios con maior incidencia de polio son Uttar Pradesh-que alberga o Circuíto Internacional de Buddha Race - eBihar, que non informaron de ningún caso desde fai máis dun ano.

O ano pasado India rexistrou 42 casos de polio, unha importante mellora fronte aos 741 casos de 2009.

Este avance sen precedentes conseguiuse grazas aos esforzos concertados, intensos e concentrados nos últimos anos dos gobernos da Unión e o Estado e dos aliados para a erradicación da poliomielitis: UNICEF, a OMS e Rotary International.