O Grupo Antena 3 e UNICEF España alcanzan un acordo para promover os dereitos da infancia
O Grupo Antena 3 e UNICEF España asinaron un acordo de colaboración para promover iniciativas de fomento dos dereitos da infancia e para facilitar á sociedade argumentos e ferramentas de participación que contribúan a mellorar as condicións de vida da infancia máis vulnerable e as súas familias.
O Conselleiro
Delegado do Grupo Antena 3, Silvio González, e a Presidenta de UNICEF España, Consuelo Crespo,
asistiron á firma do
convenio na sede principal do Grupo Antena 3, nun
acto no que tamén participaron o Director Xeral de Antena 3
TV, Javier Bardají; a
Directora da Fundación Antena 3, Carmen Bieger Morales e a Directora Xeral deInformativos do Grupo, Gloria Lomana.
O Grupo Antena 3 traballa dende hai anos en
proxectos dirixidos á infancia, especialmente a través da súaFundación, que, dende a súa creación en 2005,
centra as súas actividades na infancia e primeira
xuventude e, dentro deste colectivo, dedica unha especial
atención aos nenos e mozos que se encontranhospitalizados.A liña principal de traballo da Fundación é garantir que os
devanditos colectivos teñan os apoios necesarios para o seubenestar e formación, así como fomentar asensibilización social sobre os seus dereitos,
necesidades e intereses.
UNICEF e os medios de comunicación
Os medios
de comunicación son a voz da opinión
pública e son defensores dos dereitos humanos,
poñendo altofalante a millóns de persoas que non teñen ao seu
alcance os medios suficientes para difundir situacións de
abuso ou inxustiza.Ao mesmo tempo, os medios deben protexer os nenos fronte ás
consecuencias que para eles poida ter o uso da súa
imaxe e fronte a contidos que, emitidos
en televisión en determinadas franxas horarias, poden ser pouco
apropiados para a infancia.
Estas realidades da relación entre os nenos e os medios de
comunicación poñen de relevo a grande importancia de unir esforzos
para que a voz dos nenos poida oírse cada vez máis e ser
escoitada.
Os medios
de comunicación en España veñen demostrando o seu compromiso coa
infancia e coa importancia de trasladar á opinión pública a
situación da infancia e os seus dereitos.Xornais, radios, canles de televisión e plataformasonline de medios nacionais, rexionais
e locais, dedican o seu espazo a resaltar a situación dos nenos
máis vulnerables.
Numerosos medios de comunicación do mundo colaboran conUNICEF tanto en accións puntuais coma
en proxectos de grande alcance para a promoción dos dereitos da
infancia. Para UNICEF España estas
colaboracións foron e son sempre dun alto valor e supoñen unha
constante demostración do exercicio de compromiso social de medios
e profesionais.