Urxe o acceso de axuda ás zonas afectadas pola violencia en Sirya

Preto de once meses de violencia en Sirya provocaron centos de nenos mortos ou feridos. Segundo algúns informes hai nenos que foron arrestados arbitrariamente, torturados ou sufriron abusos sexuais durante o tempo que estiveron detidos. Durante os últimos días informouse que forzas gobernamentais bombardearon barrios civís na cidade de Homs provocando, sen dúbida, máis sufrimento a máis nenos.  

"Isto debe parar. Aínda que só morra un neno a causa da violencia, xa é demasiado", dixo o Director Executivo de UNICEF, Anthony Lake. "Urximos ás autoridades sirias a permitir que a axuda chegue aos que o necesitan desesperadamente. "UNICEF non ten acceso ás áreas afectadas de Homs e non pode confirmar o impacto dos ataques, pero segundo fontes fiables, incluíndo a prensa internacional que se encontra en Homs, os nenos están atrapados no medio da violencia. Os feridos deben ter acceso de xeito inmediato e incondicional a coidados médicos.