Por primeira vez os nenos son o colectivo máis pobre en España

En só dous anos hai case 205.000 nenos máis por debaixo do albor da pobreza, segundo recolle un informe de UNICEF España. A pobreza crónica da infancia creceu nun 53% en tres anos

En España, case 2.200.000 nenos viven por debaixo do albor da pobreza [1], sendo o colectivo máis afectado pola crise económica, segundo recolle un informe elaborado por UNICEF España que foi presentado hoxe. A pobreza infantil, estabilizada durante anos en torno ao 24% da poboación menor de idade, superou o 26%, unha porcentaxe que está case cinco puntos por enriba da media nacional en 2011 e que nunca se alcanzara para esta franxa de idade dende que existe a Enquisa de Condicións de Vida (2004).

O documentoInfancia en España 2012-2013 destaca que en só dous anos hai case 205.000 nenos máis que viven en fogares cuns ingresos por debaixo do albor da pobreza. Entre os datos que recolle o informe, destaca que o número de fogares con nenos con todos os seus membros adultos sen traballo creceu un 120% entre 2007 e 2010, case dúas veces máis que o total de fogares. Este dato demostra que o impacto da crise é máis forte nas familias con nenos, detectándose casos dun empeoramento das condicións de vida, que pode afectar á calidade da alimentación, á convivencia e ás relacións entre pais e fillos. En canto a persistencia e intensidade da pobreza, a pobreza crónica[2]ha aumentado nun 53% en tres anos. Outro dato destacable é que en 2010 o 13,7% dos nenos vivía en fogares cun nivel de pobreza alta[3], sendo a cifra máis elevada de todos os países da Unión Europea dos 15, e só por debaixo de Romanía e Bulgaria na Europa dos 27.

A importancia de protexer o investimento en infancia  

A experiencia deUNICEF demostra que países de distintas rexións do mundo que en situacións difíciles fixeron un esforzo por aplicar medidas con 'rostro humano', protexendo os recursos dedicados ás familias e os nenos, tiveron unha saída mellor e máis sostible á crise. Por este motivo, faise imprescindible mirar máis alá do curto prazo, analizando detidamente o posible impacto presente e futuro das decisións que tomen en cada momento. Ademais de protexer o investimento na infancia, UNICEF avoga por unha mellora da calidade, a eficiencia e a coordinación das políticas destinadas á infancia. Os custos de non actuar agora non só afectan aos nenos e as familias máis vulnerables de forma inmediata, senón que comprometen o crecemento e o benestar de toda a sociedade a medio e longo prazo.

Propostas deUNICEF España para unha recuperación con rostro humano  

Os nenos e nenas son os últimos responsables da crise dos últimos anos e, non obstante, están a sufrir as súas consecuencias de forma tan ou máis grave que outros colectivos. Pero o impacto da situación sobre eles está a ser case invisible, cando son os que menos capacidade teñen para enfrontarse á crise e ás súas consecuencias. A protección da igualdade de oportunidades para a infancia é unha cuestión de ética e xustiza, pero ademais é unha aposta estratéxica e transformadora, beneficiosa para o desenvolvemento sostible da sociedade. Pola contra, o custo non actuar pode ter consecuencias irreversibles a medio e longo prazo. Por estas razóns, UNICEF España propón as seguintes medidas básicas:

• Protexer os investimentos destinados á infancia.
• Poñer os nenos e as súas familias no núcleo das decisións políticas  .
• Mellorar a coordinación, a eficacia e a coherencia na xestión da saúde, a educación, a protección da infancia e a loita contra a pobreza.
• Elaborar un Plan Nacional contra a Pobreza Infantil, tal e como recomendou en 2010 o Comité dos Dereitos do Neno e foi recollido nos programas electorais dos principais partidos nas pasadas eleccións.

[1]Pobreza relativa ou por debaixo do albor da pobreza: por debaixo do 60% da mediana dos ingresos anuais por fogar.  

[2]Pobreza crónica: aqueles que levan tres dos catro últimos anos baixo o albor da pobreza.  

[3]Pobreza alta (2010): familia con dous nenos menores de 14 anos con ingresos inferiores a 10.983 euros anuais.