Klima-aldaketa, mehatxu garrantzitsua haurrentzat

Hegoafrika-ko Durban hirian ospatuko da aurten Klima Aldaketari buruzko NBEren XVII. Konferentzia (COP17), abenduaren 9ra arte. Goi-mailako bilkura horretan mundu osoko haurrentzat mehatxu garrantzitsua den arazo honi buruz hitz egingo da. 

UNICEFek ordezkariak izango ditu Durban-en, eta beren helburua izango da bertan eztabaidatzen diren negoziazio eta konponbideetanhaurrei garrantzia ematea. Horrez gain,klima-aldaketari erantzuna emateko gazteenen ahotsa entzutea bermatu nahi da.

Haurtzarorako Nazio Batuen Funtsak pobreenei eta kalteberenei lehentasuna eman nahi die,emakumeei eta haurrei bereziki, askotan haiek baitira muturreko meteorologia-fenomenoen etaingurumen-hondamendien pisua pairatzen dutenak, nahiz eta klima-aldaketaren erantzule zuzenak ez badira ere. 

 

bizirauteko erronka

Klima-aldaketaren eraginak hainbat erronkaproposatzen ditu: bizitzeko eskubide,bizirautea eta haurren garapenaridagozkionak. Horien artean hazten ari denadesnutrizioa da, nekazaritzaren errendimendu-mailaren aldaketak eta ur-horniketaren murrizketa eragindakoa.
 
Izan ere, Afrikako Adarrak uda honetatik pairatzen duen elikadura-larrialdiaren kausa,lehorte eta euriteen urteko sasoiak espazioan eta intentsitatez haztea da. Afrikako Adarrean bost urtetik beherako 320.000 haurrek desnutrizio larria pairatzen dute.
 
Egoera horren ondorioz, haurrekinfekzio-gaixotasunak harrapatzeko arrisku handiagoa dute (kolera,dengea edo malaria, esaterako). Haurren immunologia-sistema guztiz garaturik ez egoteak, gaixotasunak harrapatzeko arrisku handiagoa sortzen du eta horien ondorioz sortzen diren arazoei aurre egiteko arazoak izan ditzakete.
 
Klima-aldaketaren beste zeharkako faktoreak dira haurrenhezkuntza etetea eta familiengandik banandu edo familiak lekualdatzea. Mongolia-n, esaterako, haurren herenak hiruzpalau ordu behar ditu egunean ur bila joateko eta, beraz, asko ez dira ikastetxera joaten.
 

mgh-etan atzera

Klima-aldaketaren ondorioek orain arte lortutako Milurteko Garapenerako Helburuak (MGH) zapuzt ditzakete. Formula magikorik ez badago ere,hondamendien aurrean arriskua murriztea kalteberak diren biztanleen defentsarako berebiziko ildoa da, arriskuaren eraginpean dauden eremuetan bereziki.
 
Bestalde, haurrak hezkuntza eta informazioa jaso eta inplikatuta daudenean, prestatuago daudeberen buruak babesteko eta, gainera, informazio hori beren komunitateko beste kideekin parteka dezakete.