Xogo de rol: paz e non violencia

• Neste xogo exponse dúas situacións cun posible conflito no que cada personaxe mostra unha actitude e unha opinión diferente.

• Xogo para Educación Primaria.

Este xogo formula conflitos mediante unha imaxe con distintos personaxes e distintas posturas ante un feito concreto, buscando o fomento da escoita activa e a expresión do propio criterio, a tolerancia, a empatía, a cooperación, o intercambio de puntos de vista, o consenso… Unha opción de construción de paz para vivir o día a día.

Orientación sobre etapa educativa 

Este xogo está recomendado para alumnado do ciclo superior de Primaria (CS).      

Dereitos da infancia relacionados:

• Dereito á protección fronte á violencia.
• Dereito á participación e á liberdade de expresión.

Como se xoga?

Este xogo inclúe dúas pantallas distintas. En cada unha delas preséntase unha situación concreta ficticia, pero que podería estar vencellada ao día a día do alumnado, que amose un posible conflito. Cada un dos personaxes que aparece na pantalla amosa unha actitude ou unha opinión ante o conflito presentado.

Trátase de que, en cada pantalla, despois de ler/escoitar o que di cada personaxe, o alumnado comente cada intervención achegando os argumentos a favor e en contra desta. Pódense mesmo formar equipos se hai alumnos abondos / alumnas abondas que sustenten cada opción, montando un debate no que cada grupo tente convencer o outro de que a súa alternativa é máis axeitada. O alumnado poderá cambiar de bando se o outro lle convence máis. 

Ao final, a modo de peche da actividade, unha persoa representante de cada equipo fará un resumo da situación, argumentando por que finalmente lle parece mellor unha opción ou outra e se no transcurso do debate os seus compañeiros / as súas compañeiras ou el/ela cambiaron de opinión, e por que razón.
 

Mentres xogades

O debate das distintas posibilidades e por que é mellor unha que outra para garantir un clima de paz, inclusión, empatía, etc., pero tamén de respecto por un mesmo e polos demais, mantense durante o xogo, o que converte esta actividade nunha proposta dinámica. 

Conceptos clave:

Convivencia, tolerancia, inclusión, respecto, paz, non violencia, liberdade de expresión, negociación, argumentación.

Dirixido a: Aula de Educación Primaria.

Edita: UNICEF España, decembro de 2023

Conceptualización e produción: Eduxarxa, SCCL

Tamén dispoñible en:  CAS |

Dispoñible en Genially en:  CAS |   CAT |  EUS |  GAL |  VAL |  ENG