COVID-19: Tempo de pensar en abrir os centros educativos

O documento Protexer a saúde nas aulas analiza catro aspectos clave para a reapertura dos centros educativos: o funcionamento seguro, a continuidade da aprendizaxe, a atención aos máis vulnerables e a garantía de protección e benestar

Tras dous meses dun severo confinamento empezamos a saír á rúa, a pensar en como será a nosa vida e empezamos a conxugar en primeira persoa todas as dúbidas que nos asaltan. Coincidiremos en que a primeira liña de loita conta esta pandemia foron os servizos de saúde e aplaudimos o seu titánico esforzo, porque ademais sabemos que seguirán alí e desexamos que sexa en mellores condicións das que tiveron que afrontar.  

Pois ben, a partires de agora ábrense novos frontes á hora de reactivar a nosa sociedade: os centros de transporte públicos e, onde desde aquí queremos aportar, as escolas. Debemos ocuparnos sen demora da reapertura dos centros educativos de cara ao próximo curso escolar.

A educación é unha parte esencial da resposta á emerxencia, é determinante para previr a propagación da enfermidade e para enfrontar a recuperación das consecuencias socio-económicas da pandemia. A educación non pode parar, cada centro educativo que se deteña a consecuencia do COVID-19 supoñerá a exposición de nenos, nenas e adolescentes a vulneracións dos seus dereitos á saúde, a educación e a protección. Así o transmitimos ás autoridades educativas estatais e autonómicas cunha proposta de 18 medidas para a emerxencia educativa.

Adaptar a normativa a esa situación excepcional e reforzar economicamente o sistema para enfrontar estes desafíos son claves que non só serán necesarias o primeiro día. É necesario planificar o curso completo con esta perspectiva de emerxencia educativa. E nisto queremos contribuír analizando catro dimensións fundamentais:

• Funcionamento seguro, medidas orientadas a deter a transmisión.
• Continuidade da aprendizaxe, procedementos que permitan a recuperación do perdido e aseguren o cumprimento dos obxectivos do novo curso.
• Atención aos máis vulnerables, reforzar a aqueles que máis se visen afectados.
• Benestar e protección, asegurar que a función compensatoria que exerce a escola se desenvolva, especialmente nos aspectos de saúde física e mental. 
   

COVID-19: Protexer a saúde nas aulas

Este documento dá resposta ao reto que enfronta o sistema educativo ao reiniciar a súa actividade: protexer o dereito á saúde para garantir o dereito á educación. É unha adaptación ao contexto español baseada nas directrices internacionais elaboradas conxuntamente por UNICEF, OMS e a Federación Internacional da Cruz Vermella para o funcionamento seguro dos centros escolares e no marco de traballo da Coalición Global pola Educación (UNICEF, UNESCO, PMA e Banco Mundial).

O paso dunha fase a outra no proceso de desescalada, non está libre de retrocesos. Son moitas cousas as que descoñecemos do COVID-19 e estamos lonxe de controlalo. O cumprimento destas recomendacións contribuirá a que estudantes, familias e docentes estean seguros nos centros educativos e a que a aprendizaxe non se deteña.

Descarga O PDF